Ruturaj Gaikwad: धोनीनंतर कोल्हापूरचा पठ्ठ्या CSK चा नवा कर्णधार! गाजवणार मैदान
इंडियन प्रीमियर लीग (IPL) 2024 सीझन 22 मार्चपासून सुरू होत आहे. पण त्याच्या एक दिवस आधी चेन्नई सुपर किंग्स (CSK) फ्रँचायझीने एक मोठी घोषणा केली आहे. यावेळी महेंद्रसिंग धोनीच्या जागी ऋतुराज गायकवाड CSK चा नवा कर्णधार असणार आहे.
ADVERTISEMENT
CSK New Captain Ruturaj Gaikwad : इंडियन प्रीमियर लीग (IPL) 2024 सीझन 22 मार्चपासून सुरू होत आहे. पण त्याच्या एक दिवस आधी चेन्नई सुपर किंग्स (CSK) फ्रँचायझीने एक मोठी घोषणा केली आहे. यावेळी महेंद्रसिंग धोनीच्या जागी ऋतुराज गायकवाड (Ruturaj Gaikwad) CSK चा नवा कर्णधार असणार आहे. (Indian Premier League 2024 After Dhoni Kolhapurs Ruturaj Gaikwad is now CSK New Captain)
27 वर्षीय स्टार सलामीवीर ऋतुराज गायकवाड चेन्नई संघाचा चौथा कर्णधार असेल. धोनीशिवाय याआधी रवींद्र जडेजा आणि सुरेश रैना यांनी CSK चं कर्णधारपद भूषवलं आहे. धोनीने 212 सामन्यात चेन्नई संघाचं नेतृत्व केलं आहे. जडेजाने 8 तर रैनाने 5 सामन्यात कर्णधारपद भूषवलं आहे.
2022 मध्ये CSK चे कर्णधार पद जडेजाच्या हाती
IPL 2022 मध्ये देखील चेन्नई संघाने एक दिवस आधी नवीन कर्णधाराची घोषणा केली होती. त्यानंतर रवींद्र जडेजाची कर्णधारपदी नियुक्ती करण्यात आली होती, पण जडेजाच्या नेतृत्वाखाली चेन्नई संघाची कामगिरी वाईट ठरली. यावेळी जडेजाची खेळीही लोकांना फार आवडली नाही. त्यानंतर जडेजाच्या जागी धोनीला मीडसीझनमध्ये पुन्हा कर्णधारपदाची जबाबदारी स्वीकारावी लागली.
धोनीच्या नेतृत्वाखाली चेन्नईने 5 वेळा पटकावले विजेतेपद
42 वर्षीय धोनीने 15 ऑगस्ट 2020 रोजी आंतरराष्ट्रीय क्रिकेटमधून निवृत्ती घेतली. मात्र तो आयपीएलमध्ये खेळत आहे. त्याच्या नेतृत्वाखाली चेन्नई सुपर किंग्सने (CSK) 5 वेळा विजेतेपद पटकावले आहे. धोनीच्या नेतृत्वाखाली चेन्नई संघाने 2023 च्या शेवटच्या सीझनमध्येही विजेतेपद पटकावले होते. त्यानंतर अंतिम फेरीतही त्यांनी गुजरात टायटन्सचा पराभव केला.
हे वाचलं का?
