जास्तीचा वन-डे, टी-२० सामना खेळण्यास तयार पण…England विरुद्ध अखेरच्या कसोटी सामन्यावर गांगुलीचं वक्तव्य

बीसीसीआय अध्यक्ष सौरव गांगुलीने या प्रकरणी महत्वाचं वक्तव्य केलंय.

इंग्लंड क्रिकेट बोर्डाने या प्रकरणात आयसीसीच्या तंटा निवारस समितीला पत्र लिहून निर्णय देण्याची आणि मध्यस्थीची मागणी केली आहे. ज्यावर आयसीसीने कोणताही अंतिम निर्णय दिलेला नाही. परंतू कोणत्याही परिस्थितीत अखेरचा कसोटी सामना हा मालिकेचाच भाग असेल या भूमिकेवरुन मागे हटण्यास बीसीसीआय तयार नाहीये.

इंग्लंड क्रिकेट बोर्डाने अखेरचा कसोटी सामना पुन्हा आयोजित करण्याची तयारी दाखवून तो या मालिकेचा भाग नसेल अशी अट घातली होती. ज्याला गांगुलीने आज स्पष्ट शब्दांत नकार दिला आहे. “आमची इच्छा आहे की ही मालिका पूर्ण व्हावी. २००७ नंतर इंग्लंडमध्ये हा आमचा पहिलाच मालिका विजय असेल. अखेरच्या कसोटी सामन्यातबाबत कोणतीही तडजोड होऊ नये हे आमचं मत आहे. पुढील वर्षात भारतीय संघ इंग्लंड दौऱ्यावर जाईल तेव्हा जादा टी-२० आणि वन-डे सामना खेळण्याची आमची तयारी आहे. परंतू यानंतर जो कसोटी सामना खेळवला जाईल तो मालिकेतला पाचवा कसोटी सामना असावा हे आमचं मत आहे.”