क्रीडा विश्वावर शोककळा, सामना सुरु असतानाच अंपायरचा दुर्दैवी अंत, अनेक खेळाडू जखमी
umpire manik gupta was killed by bees : या हल्ल्यात 65 वर्षीय वरिष्ठ अंपायर मानिक गुप्ता यांना मधमाशांनी मोठ्या प्रमाणावर दंश केले. ते पिचवर उभे राहून त्यांची जबाबदारी सांभाळत होते. त्यांच्या सोबत असलेले दुसरे अंपायर जगदीश शर्मा तसेच काही अल्पवयीन खेळाडूही जखमी झाले. जखमींना तातडीने शुक्लागंजमधील खासगी रुग्णालयात दाखल करण्यात आले.
ADVERTISEMENT
बातम्या हायलाइट
क्रीडा विश्वावर शोककळा
सामना सुरु असतानाच अंपायरचा दुर्दैवी अंत
अनेक खेळाडू जखमी
umpire manik gupta was killed by bees : उत्तर प्रदेशातील उन्नाव येथील सप्रू स्टेडियम येथे सुरू असलेल्या अंडर-13 क्रिकेट सामन्यादरम्यान घडलेल्या धक्कादायक घटनेने क्रीडा क्षेत्रात शोककळा पसरली आहे. सामन्याच्या मध्यावर अचानक मधमाशांच्या थव्याने हल्ला केल्याने वरिष्ठ अंपायर मानिक गुप्ता यांचा मृत्यू झाला, तर अनेक खेळाडू आणि दुसरे अंपायर देखील जखमी झाले आहेत.
मिळालेल्या माहितीनुसार, शुक्लागंज परिसरातील सप्रू स्टेडियममध्ये एचए अकादमी आणि एसबीएस अकादमी यांच्यात सामना सुरू होता. सामन्याला चांगली रंगत आली असतानाच अचानक आकाशातून मधमाशांचा मोठा थवा मैदानावर उतरला. काही क्षणांतच परिस्थिती हाताबाहेर गेली. खेळाडू, पंच आणि प्रेक्षक यांना सावरायलाही वेळ मिळाला नाही. सर्वत्र भीतीचे वातावरण निर्माण झाले आणि जीव वाचवण्यासाठी लोकांनी मैदानाबाहेर धावाधाव सुरू केली.
या हल्ल्यात 65 वर्षीय वरिष्ठ अंपायर मानिक गुप्ता यांना मधमाशांनी मोठ्या प्रमाणावर दंश केले. ते पिचवर उभे राहून त्यांची जबाबदारी सांभाळत होते. त्यांच्या सोबत असलेले दुसरे अंपायर जगदीश शर्मा तसेच काही अल्पवयीन खेळाडूही जखमी झाले. जखमींना तातडीने शुक्लागंजमधील खासगी रुग्णालयात दाखल करण्यात आले.
मानिक गुप्ता यांची प्रकृती अत्यंत गंभीर असल्याने त्यांना पुढील उपचारासाठी कानपूर येथील हैलट रुग्णालयात आणि त्यानंतर कार्डिओलॉजी विभागात हलवण्यात आले. मात्र डॉक्टरांनी त्यांना मृत घोषित केले. इतर जखमी खेळाडूंची प्रकृती सध्या स्थिर असून ते धोक्याबाहेर असल्याची माहिती वैद्यकीय सूत्रांनी दिली आहे.
हे वाचलं का?
