मुंबईची खबर: मुंबईकरांसाठी खुशखबर! लोकल ट्रेनची गर्दी कमी होणार? रेल्वे विभागाचा मोठा निर्णय...

कोणत्या कार्यालयात पाठवले लेटर्स

रेल्वेने केंद्र आणि राज्य सरकारची कार्यालये, कॉरपोरेट ऑफिस, बँक, कॉलेज, म्यूनिसिपल ऑफिस आणि इतर बऱ्याच सरकारी आणि खाजगी संस्थांना लेटर पाठवण्यात आलं आहे. रेल्वेने केलेल्या मागणीनुसार, ऑफिसच्या वेळेत थोडा बदल करावा, जसे काही ऑफिस सकाळी लवकर, तर काही थोडे उशिरा सुरू करावेत.

दररोज सकाळी 8 ते 10 आणि संध्याकाळी 5 ते 7 वेळेत ट्रेनमध्ये प्रचंड गर्दी असते. अशावेळी ट्रेनमध्ये चढणं आणि उतरणं अतिशय अवघड होऊन बसतं. रेल्वे विभागाच्या मते, ऑफिसच्या वेळेत बदल केल्यानंतर या वेळेतील गर्दी बऱ्याच प्रमाणात कमी करता येऊ शकते. 

हे ही वाचा: बेवफा गर्लफ्रेंड! खरं प्रेम करूनही दिला धोका.. पहिल्या प्रियकराने दुसऱ्याचा गेमच केला, नंतर घडलं भयंकर

नवीन रेल्वे लाइन बनणण्यात अडथळा...

लोकल ट्रेन हा सर्वसामान्यांसाठी प्रवासाचा स्वस्त आणि चांगला पर्याय ठरतो. खरंतर, दिवसेंदिवस मुंबईच्या लोकसंख्येत भर पडत आहे. त्यामुळे लोकल ट्रेनने प्रवास करणाऱ्या प्रवाशांची संख्या सुद्धा मोठ्या प्रमाणात वाढत आहे. लोकलची गर्दी जीवघेणी ठरल्याच्या बऱ्याच बातम्या पाहायला मिळतात. रेल्वेसुद्धा या समस्येवर उपाय शोधण्याच्या प्रयत्नात आहे. परंतु सीएसएमटी ते कल्याण दरम्यान नवीन लोकल रेल्वेसाठी जागा शिल्लक नसल्याने नवीन लोकल ट्रेन जोडणे शक्य नाही.

हे ही वाचा: व्यापाऱ्यांना मोर्चासाठी परवानगी, मग मराठी माणसाला परवानगी का नाही? मीरा रोडवर मराठी माणूस पेटून उठला

ऑफिसची वेळ बदलल्याने गर्दीचा प्रश्न सुटेल...

रेल्वे विभागाच्या मते, ऑफिसची वेळ बदलल्यास ट्रेनची गर्दी कमी होईल. यामुळे ट्रेनच्या वाढत्या गर्दीमुळे होणारे अपघात टळतील आणि त्यासोबतच प्रवास सुद्धा आरामदायी होईल. खरंतर, घड्याळ्याच्या काट्यावर फिरणारं शहर म्हणून ख्याती असलेल्या मुंबईमध्ये ट्रेनच्या या निर्णयामुळे मोठा बदल होऊ शकतो.