मुंबईची खबर: मेट्रो प्रवाशांसाठी आनंदाची बातमी! आता एकाच अ‍ॅपवरून काढता येणार मेट्रोची सर्व तिकीटे... कसं ते जाणून घ्या

खरंतर, आतापर्यंत अशा कोणत्याच एका अॅपवर मुंबईतील तिन्ही मेट्रो लाइनच्या तिकीटांची सुविधा उपलब्ध नव्हती. यामुळे, प्रवाशांना वेगवेगळ्या अॅपवरून किंवा तिकीट काउंटरवर लाइनमध्ये उभं राहून तिकीट काढावं लागत होतं. परंत, आता 'वन तिकीट' अॅपच्या माध्यमातून लोक सहजपणे एका मेट्रोतून उतरून दुसऱ्या मेट्रोने प्रवास करू शकतात. यासाठी प्रवाशांना वेगळं तिकीट खरेदी करण्याचं टेन्शन कमी होणार असल्याचं सांगण्यात येत आहे. 

मेट्रो-1 च्या सहयोगाने 'वन तिकीट' अॅपला ओएनडीसी प्लॅटफॉर्मवर लॉन्च केलं गेलं आहे. जून 2025 मध्ये मेट्रो- 3 कॉरिडोर साठी हे अॅप लॉन्च केलं गेलं होतं. या अॅपला प्रवाशांचा चांगला प्रतिसाद मिळाल्यानंतर हे अॅप अपडेट करून लॉन्च केलं गेलं आहे.

हे ही वाचा:  Govt Job: काय सांगता? रेल्वेत 8000 हून अधिक पदांसाठी बंपर भरती! 'या' पदांसाठी लवकरच करा अप्लाय...

दररोज 9 लाख प्रवाशांना दिलासा

मुंबई रेल्वे कॉर्पोरेशन कडून मुंबई मेट्रो-7, मेट्रो 2 A चं संचालन केलं जातं. तसेच, मेट्रो 3 हे एमएमआरसी (MMRC) आणि मेट्रो 1 हे मेट्रो 1 प्रशासनाकडून चालवत असल्याची माहिती आहे. आता मेट्रो प्रवासी प्ले स्टोअर किंवा आयओएस (IOS) प्लॅटफॉर्मवरून अॅप डाउनलोड करून या सेवेचा लाभ घेऊ शकतात. खरंतर, मेट्रोच्या तिन्ही लाइनवरून दररोज जवळपास 9 लाख नागरिक प्रवास करत असल्याची माहिती आहे. 

हे ही वाचा: मुंबईची खबर: CSMT ते ठाणे दरम्यान मेट्रो सुरू होणार... मुख्यमंत्र्यांनी केली घोषणा! तारीख सुद्धा ठरली?

डिजिटल तिकीट सुविधेच्या वाढीसाठी प्रयत्न

मुंबईसह एमएमआर (MMR) मध्ये 350 किमी मेट्रो कॉरिडोर तयार करण्यात येत आहे. यासाठी मेट्रोच्या 13 लाइन्सची निर्मिती केली जात आहे. सर्व मार्गिका तयार झाल्यानंतर दररोज 25 लाखांहून अधिक प्रवाशांना मेट्रोने प्रवास करता येणार असल्याची अपेक्षा आहे. तसेच, पेपरलेस म्हणजेच डिजिटल तिकीट सुविधेच्या विकासासाठी ही सरकारने 'वन तिकीट' अॅप लॉन्च करण्याचा निर्णय घेतला आहे. सध्या, प्रवाशांना दुसऱ्या रूटवरून मेट्रोने प्रवास करायचा असल्यास दोन वेळा तिकीट काढावं लागतं. मात्र, सरकारच्या या निर्णयामुळे आता मेट्रो प्रवाशांना दिलासा मिळणार आहे. मुंबईच्या सध्या चार मेट्रो मार्गिकांवरून 9 लाख प्रवासी प्रवास करतात. अशातच, मेट्रो प्रवाशांची संख्या वाढल्याने तिकीट काउंटरवर होणारी गर्दी कमी करण्यासाठी ऑनलाइन तिकीट विक्री प्रणाली विकसित केली जात आहे.