Mumbai Weather: मुंबईसाठी पुढील 24 तास धोक्याचे, मुसळधार ते अतिमुसळधार पावसाचा अर्लट

मान्सूनचा सक्रिय टप्पा कायम असल्याने, मुंबई, ठाणे, नवी मुंबई, आणि पालघरसह एमएमआरडीए परिसरात पावसाचा प्रभाव दिसेल. 

हवामानाचा अंदाज

भारतीय हवामान खात्याच्या मते, 16 जुलै 2025 रोजी मुंबई आणि उपनगरांमध्ये आकाश सामान्यतः ढगाळ राहील. शहर आणि उपनगरात आकाश साधारणपणे ढगाळ राहून  मुसळधार ते अतिमुसळधार पाऊस पडण्याची शक्यता आहे. अधूनमधून (४०-५०) किमी प्रतितास सोसाट्याचे वारे वाहण्याची शक्यता आणि विजांचा कडकडाट होण्याची शक्यता.

हे ही वाचा>> मुंबईची खबर: मुंबई-पुणे महामार्गावरील ड्रीम प्रोजेक्टबाबत मोठी अपडेट, देशातील सर्वात मोठा बोगदा अन् अंतर सुद्धा...

तसेच कोकण किनारपट्टीवर मान्सूनचा जोर कायम आहे, त्यामुळे मुंबईसह ठाणे, नवी मुंबई, कल्याण-डोंबिवली, आणि पालघर येथे पावसाचा प्रभाव अधिक जाणवेल

वारे आणि समुद्री स्थिती

वाऱ्याची गती: मध्यम ते वेगवान वारे (20-30 किमी/तास) वाहण्याची शक्यता आहे. काही ठिकाणी चक्री वारेही वाहू शकतात, कारण मान्सूनचा आस दक्षिणेकडे झुकलेला आहे. ज्यामुळे मच्छीमारांनी खोल समुद्रात जाणे टाळावे, असा सल्ला हवामान खात्याने दिला आहे.

भरती-ओहोटी:

• भरती: दुपारी 3:19 वाजता (अंदाजे 4.41 मीटर).
• ओहोटी: रात्री 9:11 वाजता (अंदाजे 1.33 मीटर).

प्रभाव: भरतीच्या वेळी जोरदार पाऊस पडल्यास सखल भागात (जसे की दादर, अंधेरी, कुर्ला, आणि सायन) पाणी साचण्याचा धोका आहे. यामुळे रस्ते आणि रेल्वे वाहतुकीचा खोळंबा होऊ शकतो.

हे ही वाचा>> मुंबईची खबर: मुंबई-अहमदाबाद बुलेट ट्रेनबाबत सर्वात मोठी अपडेट, BKC ते शिळफाटापर्यंत थेट...

MMRDA परिसरातील हवामान

1. ठाणे आणि नवी मुंबई: या भागातही ढगाळ वातावरण आणि मध्यम स्वरूपाचा पाऊस अपेक्षित आहे. ठाण्यात सकाळी हलक्या सरी, तर नवी मुंबईत संध्याकाळी जोरदार पाऊस बरसेल.

2. कल्याण-डोंबिवली: या भागात मध्यम ते जोरदार पाऊस पडण्याची शक्यता आहे, विशेषतः सखल भागात लवकर पाणी भरण्याचा धोका आहे.

3. पालघर: हलक्या ते मध्यम पावसाचा अंदाज आहे, परंतु किनारपट्टी भागात वाऱ्याचा वेग जास्त राहू शकतो. यामुळे मच्छीमार आणि स्थानिकांनी समुद्रकिनारी जाणे टाळावे, कारण लाटांची उंची वाढण्याची शक्यता आहे.

- आपत्कालीन परिस्थितीत बृहन्मुंबई महानगरपालिकेच्या 1916 या क्रमांकावर संपर्क साधा.
  
हवामानाची स्थिती

हवामान खात्याच्या अंदाजानुसार, 16 जुलै नंतर पुढील 2-3 दिवस (17-18 जुलै) मुंबई आणि एमएमआरडीए परिसरात पावसाचा जोर कायम राहील. 19 जुलैपासून पावसाची तीव्रता काहीशी कमी होण्याची शक्यता आहे, परंतु ढगाळ वातावरण आणि हलका पाऊस सुरू राहील. यलो अलर्ट सध्या जारी आहे, परंतु पावसाचा जोर वाढल्यास ऑरेंज अलर्ट जारी होऊ शकतो.