पुणे : किल्ल्यावरुन सेल्फी काढताना पडला नाही, होणाऱ्या बायकोने गेम केल्याचा संशय अन्...

हेही वाचा : मुंबईची खबर : मुंबईकरांनो पुढील तीन तास महत्त्वाचे, जोरदार पाऊस बरसणार; अलर्ट जारी

कथितरित्या होणाऱ्या पत्नीनेच केतन यांना धक्का दिल्याचा संशय

पोलिसांनी दिलेल्या माहितीनुसार, घटना घडली त्यावेळी केतन अग्रवाल यांच्यासोबत त्यांची होणारी पत्नीही उपस्थित होती. प्राथमिक तपासात समोर आलेल्या माहितीनुसार, कथितरित्या होणाऱ्या पत्नीनेच केतन यांना धक्का दिल्याचा संशय व्यक्त करण्यात आला आहे. या संदर्भात लोणावळा ग्रामीण पोलीस ठाण्यात तक्रार दाखल करण्याची प्रक्रिया सुरू असल्याचे सांगण्यात आले आहे. या प्रकरणात नेमके काय घडले, घटनेपूर्वी दोघांमध्ये काही वाद झाला होता का, तसेच या कथित घटनेत आणखी कोणाचा सहभाग आहे का, याचा तपास पोलीस करत आहेत. या नव्या घडामोडींमुळे सुरुवातीला अपघाती मृत्यू म्हणून नोंदवलेल्या घटनेकडे आता वेगळ्या दृष्टीने पाहिले जात आहे.

हेही वाचा : मुंबईची खबर : मुंबईकरांनो पुढील तीन तास महत्त्वाचे, जोरदार पाऊस बरसणार; अलर्ट जारी

अग्रवाल कुटुंबावर कोसळला दुःखाचा डोंगर 

केतन अग्रवाल यांचा मृत्यू 18 जून रोजी लोहगड किल्ल्यावर झाला होता. त्यानंतर ही घटना पाय घसरून झालेला अपघात असल्याचे मानले जात होते. केतन हे प्रसिद्ध बांधकाम व्यावसायिक विशाल अग्रवाल यांचे सुपुत्र होते. त्यांच्या निधनानंतर अग्रवाल कुटुंबावर दुःखाचा डोंगर कोसळला होता. कुटुंबीय, मित्रमंडळी आणि व्यावसायिक क्षेत्रातही या घटनेची मोठी चर्चा झाली होती. त्यावेळी उपलब्ध माहितीनुसार, केतन हे किल्ल्याच्या परिसरात फिरत असताना दरीत पडल्याचे सांगितले जात होते. त्यामुळे ही एक दुर्दैवी दुर्घटना असल्याचे चित्र समोर आले होते. मात्र, तपासातील नव्या निष्कर्षांमुळे संपूर्ण प्रकरणाला वेगळे स्वरूप प्राप्त झाले आहे.

विशेष म्हणजे, केतन अग्रवाल यांचा विवाह 26 नोव्हेंबर रोजी होणार होता आणि त्यासाठी कुटुंबात तयारीही सुरू झाली होती. 19 जून रोजी त्यांच्या होणाऱ्या पत्नीचा वाढदिवस होता. त्या वाढदिवसाच्या एक दिवस आधी म्हणजे 18 जून रोजी दोघे लोहगड किल्ल्यावर फिरण्यासाठी गेले होते. याच दरम्यान ही घटना घडली. लग्नाच्या तयारीच्या आणि आनंदाच्या वातावरणात घडलेल्या या घटनेने सर्वांनाच धक्का बसला आहे. आता हत्येचा संशय व्यक्त झाल्यानंतर या प्रकरणामागील खरी कारणे काय आहेत, तसेच या घटनेत अन्य कोणाचा सहभाग होता का, याचा तपास लोणावळा ग्रामीण पोलीस करत आहेत. तपासाच्या पुढील टप्प्यात आणखी महत्त्वाची माहिती समोर येण्याची शक्यता व्यक्त केली जात आहे.