ओढणीला घामाचा वास, प्रियकराच्या मदतीने पत्नीने रचला कट, पुण्यातील नकुल भोईरच्या हत्येचा उलगडा कसा झाला?

पत्नीनेच दिली होती पतीच्या हत्येची माहिती

अधिकची माहिती अशी की, 24 ऑक्टोबरच्या पहाटे सव्वा तीनच्या सुमारास नकुल भोईर (वय 40, रा. माणिक कॉलनी, चिंचवड) यांची हत्या करण्यात आली होती. विशेष म्हणजे, ही घटना चैतालीने स्वतः पोलिसांना फोन करून कळवली होती. चिंचवडमधील महापालिकेच्या आरोग्य केंद्राजवळ हा खून झाला. प्रारंभी पोलिसांनी चैतालीला ताब्यात घेतले, मात्र तपासात या गुन्ह्यामागे आणखी एक व्यक्ती असल्याची शंका निर्माण झाली. पोलिसांनी तिच्या प्रियकर सिद्धार्थला चौकशीसाठी बोलावले असता दोघांनी सुरुवातीला गोंधळ निर्माण करणारी, उडवाउडवीची उत्तरे दिली.

हेही वाचा : गंजलेल्या नंबर प्लेटची स्कुटी घेऊन फिरणाऱ्या ट्रॅफिक पोलिसाला 2 हजारांचा दंड, व्हायरल व्हिडीओतील 'त्या' तरुणाला यश

तपासात उघड झाले की, चैताली आणि सिद्धार्थ यांच्या प्रेमसंबंधांमुळे पती-पत्नीमध्ये वारंवार वाद व्हायचे. नकुल भोईर यांना या संबंधांची माहिती मिळाल्याने घरगुती कलह वाढले होते. नकुलने चैतालीला या संबंधांबद्दल सुनावल्याने आणि तीने घेतलेल्या कर्जाबद्दल नाराजी व्यक्त केल्याने त्यांच्यात तीव्र भांडण झाले. त्यावेळी नकुलने तिला मारहाण केली. या घटनेनंतर संतापलेल्या सिद्धार्थने चैतालीसोबत संगनमत करून नकुलचा खून करण्याचे ठरवले.

ओढणीला घामाचा वास अन् प्रियकराने रचला कट

पोलिसांच्या चौकशीत उघड झाले की, दोघांनी मिळून नकुलचा गळा ओढणीने आवळून त्याला ठार मारले. यानंतर सिद्धार्थ त्या ओढणीला जाळून पुरावे नष्ट करण्याचा प्रयत्न करत होता, कारण त्यावर नकुलच्या घामाचा वास आणि पुरावे होते. दरम्यान, चैतालीने पोलिसांना दिशाभूल करण्यासाठी दुसरी ओढणी दाखवली. परंतु तपासात मूळ ओढणीबाबत सत्य समोर आले. पोलिसांनी ती ओढणी जप्त करण्यासाठी चैतालीला पुन्हा कोठडीत ठेवण्याची मागणी केली असून न्यायालयाने ती मान्य केली आहे.

या संपूर्ण प्रकरणाने चिंचवड परिसरात खळबळ माजली आहे. एकीकडे सामाजिक कार्यकर्त्याच्या खुनाने नागरिकांना हादरवले, तर दुसरीकडे पत्नी आणि प्रियकराने एकत्र येऊन असा क्रूर कट रचल्याचे उघड झाल्याने खळबळ उडाली आहे. पोलिस या प्रकरणाचा अधिक तपास करत असून या गुन्ह्याला कारणीभूत असलेल्या इतर आर्थिक व्यवहारांचीही चौकशी सुरू आहे.

इतर महत्त्वाच्या बातम्या 

महिला डॉक्टरची हत्या की आत्महत्या? 7 वाजता मृत्यू, बहिणीच्या स्टेटला 11 वाजता लाईक? सुषमा अंधारेंचे सनसनाटी दावे