पुणेकरांसाठी गुड न्यूज.. मेट्रोबाबत मोठी बातमी, लवकरच 'या' स्टेशनवरून करता येणार प्रवास!

या प्रोजेक्टमध्ये समाविष्ट असलेले हे दोन्ही कॉरिडॉर पुणे मेट्रोच्या सध्याच्या वनाज-रामवाडी कॉरिडॉरचा विस्तार असणार आहे.  बुधवारी पंतप्रधान नरेंद्र मोदी यांच्या नेतृत्वाखालील केंद्रीय मंत्रिमंडळाने या प्रोजेक्टच्या दुसऱ्या टप्प्याला मंजुरी दिली. 

कोणत्या मेट्रो स्टेशनचा समावेश?   

सरकारच्या म्हणण्यानुसार, या दोन्ही कॉरिडॉरमध्ये एकूण 13 स्थानकांचा समावेश असणार आहे. हे स्टेशन चांदणी चौक, बावधन, कोथरूड, खराडी आणि वाघोली या विकसनशील उपनगरांना जोडलेले असतील. वनाज-चांदणी कॉरिडॉरमध्ये कोथरूड बस डेपो आणि चांदणी चौक स्टेशन असतील. तसेच, तर रामवाडी-वाघोली कॉरिडॉरवर विमान नगर, सोमनाथ नगर, खरारी बायपास, तुळजा भवानी नगर, उबाळे नगर, अप्पर खरारी रोड, वाघेश्वर मंदिर, वाघोली, सिद्धार्थनगर, बकोरी फाटा आणि विठ्ठलवाडी हे स्टेशन असतील.

हे ही वाचा: 'जय गुजरात', पुण्यात अमित शाहांसमोर एकनाथ शिंदे यांनी घोषणा!

किती वर्षांत पूर्ण होणार प्रोजेक्ट?   

पुणे मेट्रो रेल्वे प्रोजेक्टचा हा दुसरा टप्पा चार वर्षांमध्ये पूर्ण होणार असल्याचं लक्ष्य ठरवण्यात आलं आहे. केंद्रीय माहिती आणि प्रसारण मंत्री अश्विनी वैष्णव यांनी सांगितल्याप्रमाणे, या प्रकल्पाला अंदाजे 3626.24 कोटी रुपये खर्च येणार आहे. ही खर्चाची रक्कम भारत सरकार, महाराष्ट्र सरकार आणि बाह्य द्विपक्षीय/बहुपक्षीय संस्थांकडून समान प्रमाणात वाटली जाईल.  या विस्तारामुळे प्रमुख आयटी हब, व्यावसायिक क्षेत्रे, शैक्षणिक संस्था आणि निवासी क्षेत्रांना चांगल्या सेवा मिळणार असल्याचं केंद्रीय मंत्र्यांनी सांगितलं.

हे ही वाचा:  आधी पतीवर गोळी झाडली, नंतर दीर आणि सासऱ्यासोबत ठेवले अनैतिक संबंध... भोळ्या चेहऱ्याच्या पूजाची भयंकर कहाणी

किती खर्च येणार? 

नवीन कॉरिडॉर जिल्हा न्यायालय इंटरचेंज स्टेशनला लाईन-1 (निगडी-कात्रज) आणि लाईन-3 (हिंजवडी-जिल्हा न्यायालय) शी जोडण्यात येणार असून यामुळे नागरिकांनी सहजपणे प्रवास करता येणार असल्याचं केंद्रीय मंत्र्यांनी सांगितलं. या दिर्घकालीन योजनेअंतर्गत मुंबई आणि बँगलोर सारख्या शहरातील इंटरसिटी बस चांदनी चौकाला जोडण्यात येणार आहेत. तसेच, अहिल्या नगर आणि छत्रपती संभाजी नगर येथून येणाऱ्या बसेस वाघोली येथे जोडल्या जातील. यामुळे प्रवाशांना पुणे मेट्रोची सोय सहजरित्या उपलब्ध होईल. हा कॉरिडॉर सुरू झाल्यानंतर, दररोज लाईन-2 वर 2027 मध्ये 0.96 लाख, 2037 मध्ये 2.01 लाख, 2047 मध्ये 2.87 लाख आणि 2057 मध्ये 3.49 लाख इतकी प्रवासी वाहतूक होणार असा अंदाज आहे.