आधी पतीवर गोळी झाडली, नंतर दीर आणि सासऱ्यासोबत ठेवले अनैतिक संबंध... भोळ्या चेहऱ्याच्या पूजाची भयंकर कहाणी

ग्वाल्हेरची रहिवासी पूजा जाटवची कहाणी आहे - प्रेम, विश्वासघात, लोभ आणि खून. 11 वर्षांपूर्वी तिने रेल्वेमध्ये काम करणाऱ्या तिच्या पहिल्या पतीवर गोळी झाडली. तो वाचला, पण पूजा तुरुंगात गेली.

तुरुंगातून बाहेर आल्यानंतर, न्यायालयीन तारखेला पूजा ही कल्याण सिंगला भेटली, जो स्वतः गुन्हेगार होता. दोघेही एकत्र राहू लागले. पण सहा वर्षांनंतर कल्याणचा एका अपघातात मृत्यू झाला.

कल्याणच्या मृत्यूनंतर, पूजा त्याच्या गावी पोहोचली आणि भावनिक गोष्टी सांगत कुटुंबीयांना स्वत:ला स्वीकारायला लावलं. काही दिवसातच तिचं कल्याणचा मोठा भाऊ म्हणजे पूजाचा मोठा दीर संतोष याच्याशी अनैतिक संबंध आले. त्यानंतर दोघेही एकत्र राहू लागले आणि त्यांना एक मुलगीही झाली.

कुटुंबातील सदस्यांचा असा दावा आहे की, पूजाचे तिचे सासरे अजय प्रताप सिंह यांच्याशीही शारीरिक संबंध होते. पण सासूला याबाबत कधीही संशय आला नाही कारण सुशीला देवीचे पूजावर विशेष प्रेम होते.

दरम्यान, सुशीला देवी यांनी मात्र, पूजाला मालमत्ता देण्यास नकार दिल्यावर तिने तिची बहीण कामिनी आणि प्रियकर अनिल वर्मा यांच्यासोबत कट रचला. 24 जून रोजी तिघांनी मिळून प्रथम सासूला गुंगीच्या औषधाचे इंजेक्शन दिले आणि नंतर तिचा गळा दाबून खून केला.

हे प्रकरण दरोड्यासारखे दिसावे म्हणून, घरातून सुमारे 8 लाख रुपयांचे दागिने आणि रोख रक्कम घेऊन ते पळून गेले. दरम्यान, पोलिसांनी आरोपी अनिलला मोठ्या शिताफीने पकडलं तर, कामिनीलाही अटक केली.

प्रथम, सुशीला देवीचा पती अजय प्रताप याने मोठी सून रागिनीवर संशय घेत गुन्हा दाखल केला. पण पोलिसांनी सीसीटीव्ही तपासला आणि कॉल डिटेल्स काढले तेव्हा सत्य समोर आले. चौकशीदरम्यान पूजाची बहीण कामिनीने संपूर्ण गुपित उघड केले.

पूजाची वहिनी रागिनीने सांगितले की, ती 6 वर्षांपासून एकाच घरात राहत होती. दोघेही जेवण बनवत होते आणि एकत्र राहत होते, पण पूजा इतकी धूर्त असू शकते याची कधीच कल्पना आली नाही.