पुणेकरांसाठी आणखी एक टर्मिनस, दोन रेल्वे नवीन प्लॅटफॉर्मवरून सुसाट धावणार, Time Table आलं समोर

पुण्याऐवजी हडपसर येथून धावणार रेल्वे

पुणे-नांदेड-पुणे एक्स्प्रेस आणि पुणे-हरंगुळ-पुणे एक्सप्रेस या दोन रेल्वे आता पुण्याऐवजी हडपसर येथून धावणार असल्याची महत्त्वाची अपडेट आहे. तसेच या मार्गाद्वारे होणारा परतीचा प्रवास वाचण्याची शक्यता अधिककरून नागरिकांना आहे. तसेच या दोन्ही रेल्वे आता 26 जानेवारीपासून नववर्षाच्या सुरुवातीलाच हडपसर स्थानकातून सुसाट धावणार असल्याची महत्त्वाची माहिती समोर आली. 

दरम्यान, पुणे रेल्वे स्थानकावर प्रवाशांचा मोठ्या प्रमाणात ताण निर्माण होतो. हाच ताण कमी करण्यासाठी पर्यायी रेल्वे स्थानक म्हणून हडपसर टर्मिनल बांधण्यात आले आहे. या टर्मिनलमुळे पुण्यातील पूर्वेकडील काही भागांतील नागरिकांना याचा मोठा लाभ होईल अशी शक्यता आहे. तसेच अमृत भारत स्टेशन योजनेअंतर्गत टर्मिनल करण्यात येत आहे. अशातच आता याचे वेळापत्रकही समोर आलेलं आहे. 

वेळापत्रकही आलं समोर 

हडपसर-हजूर साहीब नांदेड-हडपसर एक्स्प्रेसने नागरिकांना रोजचं प्रवास करता येणार आहे. 

हजूर साहीब नांदेड एक्सप्रेस गाडी क्रमांक 17630 ही 26 जानेवारीपासून रात्री 9:50 वाजता हडपसर स्थानकावर पोहोचेल. (दररोजसाठी)

तसेच गाडी क्रमांक 17630 हजुर हजूर साहीब नांदेड एक्स्प्रेस 26 जानेवारीपासून पहाटे  4:35 मिनिटांनी हडपसर स्थानकातून सुटेल. (दररोजसाठी)

हडपसर-हरंगुळ-हडपसर एक्सप्रेस गाडी क्रमांक 01487 हडपसर- हरंगुळ एक्सप्रेस 26 जानेवारीपासून सकाळी 6:20 वाजता हडपसर येथून सुटेल. (दररोजसाठी)

गाडी क्रमांक 01488 हरंगुळ-हडपसर एक्स्प्रेस 26 जानेवारीपासून रात्री 8:45 वाजता हडपसर येथे पोहोचेल. (दररोजसाठी)