लग्नानंतर 45 दिवसात संसार मोडला, पोटगीसाठी 45 लाख मोजले; पुण्यातील महागडा घटस्फोट चर्चेत

हेही वाचा : Maharashtra Weather: मराठवाड्यात मुसळधार पावसाचा इशारा, पावसाचा अलर्टही जारी, हवामान खात्याचा धडकी भरवणारा अंदाज

पत्नीने पतीविरोधात दाखल केली होती तक्रार 

अधिकची माहिती अशी की, पुण्यातील एका नामांकित कुटुंबातील मुलगा आणि मुलीचे लग्न दीड महिन्यांपूर्वी मोठ्या थाटामाटात झाले होते. सुरुवातीला सर्व काही सुरळीत वाटत होते. परंतु लग्नानंतर काही दिवसांतच दोघांमध्ये सतत वाद होऊ लागले. केवळ 45 दिवसांत परिस्थिती इतकी बिघडली की संसार मोडण्याच्या उंबरठ्यावर पोहोचला. सतत वाद होऊ लागल्याने पत्नीने पतीविरोधात तक्रार दाखल केली होती. मात्र दोन्ही कुटुंबीयांच्या चर्चेनंतर, वकील आणि पोलिसांच्या उपस्थितीत समझोता करण्यात आला. या समझोत्याअंतर्गत पत्नीने आपली तक्रार मागे घेतली आणि बदल्यात पतीने तिला 45 लाख रुपये पोटगी स्वरूपात देण्यास मान्यता दिली.

हेही वाचा : Personal Finance: ₹ 30,000 पगार असलेले तरूणही कमवू शकतात 2 कोटी रुपये, SIP ची ही किमया तुम्हाला बनवेल श्रीमंत!

दीड महिन्यांत संसार मोडल्यामुळे विवाह चर्चेत

पुण्यातील सामाजिक वर्तुळात हा घटस्फोट चर्चेचा विषय ठरला आहे. केवळ दीड महिन्यांत संसार मोडल्यामुळे हा विवाह चर्चेत आला. विशेष म्हणजे, इतक्या अल्पावधीत इतक्या मोठ्या रकमेची पोटगी मिळाल्याचे प्रकरण दुर्मिळ असल्याने त्यावर लोकांमध्ये चर्चा रंगली आहे. या समझोत्यामुळे पत्नीने न्यायालयीन लढाई टाळत आपली तक्रार मागे घेतली असून आता दोघांचे मार्ग वेगळे झाले आहेत.