होम
राजकीय आखाडा
मुंबई Tak बैठक
निवडणूक
गुन्ह्यांची दुनिया
शहर-खबरबात
राशीभविष्य-धर्म
पैशाची बात
फोटो गॅलरी
हवामानाचा अंदाज
टॉपिक
Pune Protest against DJ : पुण्यात आगामी गणेशोत्सवाच्या पार्श्वभूमीवर कर्णकर्कश DJ आणि लाऊडस्पीकरच्या अतिवापराविरोधात पुणेकर नागरिक मोठ्या संख्येने रस्त्यावर उतरले. बालगंधर्व चौकात नागरिकांनी एकत्र येत DJमुक्त गणेशोत्सवाची मागणी केली. सार्वजनिक उत्सव आणि विसर्जन मिरवणुकांमध्ये होणाऱ्या आवाजामुळे वृद्ध नागरिक, रुग्ण, गर्भवती महिला आणि लहान मुलांना त्रास होत असल्याचे आंदोलकांचे म्हणणे आहे. उत्सव परंपरेचा आणि आनंदाचा असावा, मात्र तो नागरिकांच्या आरोग्याला घातक ठरू नये, अशी भूमिका नागरिकांनी मांडली.
ADVERTISEMENT
हेही वाचा : कराड: दोन वर्षांपासून आईसोबत मित्राचे प्रेमसंबंध, साथीदाराच्या मदतीने बॉयफ्रेंडला संपवलं
"शारीरिक आणि मानसिक स्वास्थ्य बिघडते"
मोर्चात सहभागी नागरिकांनी कोणताही सण, उत्सव, जयंती किंवा कार्यक्रम असो, DJ आणि ध्वनी प्रदूषण नको, अशी मागणी केली. DJच्या मोठ्या आवाजामुळे नागरिकांचे शारीरिक आणि मानसिक स्वास्थ्य बिघडत असल्याचे आंदोलकांनी सांगितले. तसेच DJवर अश्लील गाणी वाजवली जात असल्याचा आरोपही करण्यात आला. अश्लील गाणी वाजवणे हे कोणत्याही संस्कृतीचे प्रदर्शन नसल्याचे सांगत राज्य सरकार आणि प्रशासनाने सामान्य नागरिकांचा आवाज ऐकावा आणि DJमुक्त उत्सवासाठी निर्णय घ्यावा, अशी विनंती करण्यात आली.
हेही वाचा : नवी मुंबई पोलीस अधिकाऱ्याने संपवलं जीवन, सुसाईड नोेटमध्ये वरिष्ठ अधिकाऱ्यांची नावे
"महापौरांनीही DJमुक्तीसाठी रस्त्यावर उतरावे"
गणेशोत्सवाच्या पार्श्वभूमीवर पुण्याच्या प्रथम नागरिक म्हणून महापौरांनीही DJमुक्तीसाठी रस्त्यावर उतरावे, अशी मागणी यावेळी करण्यात आली. माजी महापौर मोर्चात उपस्थित असल्याचा उल्लेख करत विद्यमान महापौरांनीही सामान्य नागरिकांचे प्रतिनिधित्व करावे, असे आंदोलकांनी म्हटले. नागरिकांना उत्सव साजरा करण्यास विरोध नसून शासनाने निश्चित केलेल्या डेसिबलच्या मर्यादेतच आवाज ठेवावा, अशी भूमिका काही नागरिकांनी मांडली. मात्र, नियमांचे पालन होत नसल्याने नागरिकांना मोठ्या त्रासाला सामोरे जावे लागत असल्याचेही सांगण्यात आले. गेल्या काही वर्षांत उत्सवाचे स्वरूप बदलून तो इव्हेंट झाला असून सामान्य नागरिकांच्या हातातून उत्सव निसटल्याची भावना आंदोलकांनी व्यक्त केली.
मोर्चात तीन वर्षांच्या एंजल या पाळीव प्राण्याचाही उल्लेख करण्यात आला. DJचा आवाज सुरू झाल्यानंतर ती घाबरून बेडखाली जाऊन बसते आणि दिवसभर जेवण्यासाठी किंवा पाणी पिण्यासाठीही बाहेर येत नसल्याचे सांगण्यात आले. याशिवाय रस्त्यावर उभारण्यात येणाऱ्या मंडपांमुळे होणारी वाहतूक कोंडी आणि नागरिकांना होणाऱ्या त्रासाचाही मुद्दा मांडण्यात आला. दहीहंडीच्या वेळी अर्धा-अर्धा तास वाहतूक कोंडीत अडकल्याचे एका नागरिकाने सांगितले. उत्सवांमध्ये DJऐवजी पारंपरिक लेझिमचा वापर वाढवावा, अशी सूचनाही करण्यात आली. सोशल मीडियावर प्रतिक्रिया देण्याऐवजी पुणेकर नागरिक आपल्या मागण्यांसाठी प्रत्यक्ष रस्त्यावर उतरल्याचे यावेळी सांगण्यात आले.
ADVERTISEMENT
