केतनच्या हत्येपूर्वी सिया आणि चेतनने गुगलवर जे शोधलं ते ऐकून हादरून जाल

हेही वाचा : माहीम : धक्का लागल्याने चाकू हल्ला, माफी मागूनही विषय मिटला नाही; स्थानकाबाहेर काय घडलं?

सर्च हिस्ट्रीमध्ये पोलिसांना काय आढळलं? 

तपासादरम्यान आरोपींच्या सर्च हिस्ट्रीमध्ये कोणते विष सहज उपलब्ध होऊ शकते, विषाचा परिणाम किती वेळात होतो आणि ते कशा प्रकारे देता येऊ शकते, यासंबंधी इंटरनेटवर शोध घेतल्याचे पुरावे आढळल्याचे सूत्रांचे म्हणणे आहे. हे डिजिटल पुरावे पुढील सुनावणीदरम्यान न्यायालयात सादर केले जाण्याची शक्यता व्यक्त केली जात आहे. विष देऊन केतनचा मृत्यू झाल्यानंतर कोणालाही संशय येणार नाही, याची खबरदारी घेण्याचाही आरोपींचा विचार होता. मात्र त्यानंतर त्यांनी वेगळी योजना आखत केतनला लोहगड किल्ल्यावर नेल्याचे समोर आले आहे.

हेही वाचा : 'अपघाताची केस मर्डरची कशी झाली?' सियाचे वकील कोर्टात कोणता युक्तीवाद करणार?

कॅफेमध्ये बसून संपूर्ण कटाची आखणी

पोलीस सूत्रांच्या माहितीनुसार, हत्येच्या आदल्या दिवशी सिया गोयल आणि चेतन चौधरी यांनी पुण्यातील लुल्लानगर येथील एका कॅफेमध्ये बसून संपूर्ण कटाची आखणी केली होती. इतकेच नव्हे तर त्यापूर्वी दोघांनी लोहगड किल्ल्यावर जाऊन गुन्ह्यासाठी योग्य जागेची पाहणी केली होती. तसेच तेथे गुन्हा कसा करायचा याचा सरावही केल्याचे तपासात समोर आले आहे. आता आरोपींनी सराव केलेल्या नेमक्या जागेचा शोध पुणे पोलीस घेत आहेत. या प्रकरणात पोलिसांनी आतापर्यंत अनेक महत्त्वाचे पुरावे गोळा केले असून तपास अधिक वेगाने सुरू आहे.

दरम्यान, काल पोलिसांनी आरोपी सिया गोयल आणि चेतन चौधरी यांना लोहगडावरील घटनास्थळी नेऊन संपूर्ण घटनेची पुनर्रचना केली. केतनच्या वजनाएवढा पुतळा सुमारे 250 फूट खोल दरीत ढकलून देत घटनाक्रमाची पडताळणी करण्यात आली. या प्रक्रियेदरम्यान हत्येची पद्धत आणि इतर महत्त्वाचे पुरावे मिळवण्याचा पोलिसांनी प्रयत्न केला. सिया आणि चेतन यांची पोलीस कोठडी आज संपत असून, दोघांनाही पुन्हा न्यायालयात हजर केले जाणार आहे. त्यामुळे या प्रकरणात पुढे आणखी कोणते धक्कादायक खुलासे समोर येतात, याकडे सर्वांचे लक्ष लागले आहे.