हे ही वाचा : नागपुरात 37 वर्षीय महिलेवर 34 वर्षीय तरुणाचा बलात्कार... तिच्या मुलीसोबत देखील अश्लील कृत्य! प्रॉपर्टी डीलर अटकेत

गुंगीचे औषध देऊन बलात्कार

पीडित युवती ही शिरूर तालुक्यातील असून, एमआयडीसी पोलिसांकडे तिने आज पहाटे येऊन तक्रार दिली. पीडित युवतीने फिर्यादीत म्हटले आहे की, तीन महिन्यापूर्वी नोकरीच्या शोधात अहिल्यानगरमध्ये आले. तिथं अभिषेक कळमकर याच्या सोशल मीडियावरून संपर्क क्रमांक मिळवत संपर्क केला. परिस्थिती सांगून, नोकरीची गरज असल्याचे सांगितले. दोन-तीन दिवसांनी कुष्ठधाम रोडवर इथं भेटायला बोलवले. तिथं कागदपत्र घेत, एमआयडीसीत माझी शाळा आहे, तिथं कामाला लावून देतो, असे सांगितले. ही शाळा बघण्यासाठी बोलवल्यानंतर, तिथं पीडित युवती आली. या वेळी पीडित युवतीला केडगाव बायपासला उतरवले. अभिषेक कळमकर हा तिथं अलिशान वाहनातून येऊन, मला घेऊन विळद घाट इथं गेला. गाडीत आम्ही दोघे होतो. तिथं गाडी हायवे लगत थांबवून थंड पेय दिले. थंड पेय पिल्यानंतर गुंगी आली. त्यावेळी कळमकर हा आपल्याला स्पर्श करत होता. तिथं वाहनात माझे कपडे काढून जबरदस्ती केल्याचे पीडितेने फिर्यादीत म्हटले आहे.

जीवे मारण्याची धमकी

या घटनेनंतर आपण खूप घाबरलो होतो. झालेला प्रकार कोणालाच सांगितला नाही. त्यानंतर दोन दिवसांनी अभिषेक कळमकर याने व्हाॅट्सअपवर व्हिडिओ काॅल करून, कपडे काढण्यास सांगितले. विरोध केल्यावर जीवे मारण्याची धमकी दिली. या त्रासाला कंटाळून व्हिडिओ काॅलचे स्क्रिने रेकाॅर्डिंग केल्याचे पीडिताने फिर्यादीत म्हटले आहे.

हे ही वाचा : बँक कर्मचाऱ्याची प्रायव्हेट पार्ट दाबून हत्या, कर्मचाऱ्याच्या वडिलांचा सुनेवरच संशय; नेमकं काय घडलं?

शरीरसंबंधांचे व्हिडिओ काढले

यानंतर अभिषेक कळमकर याने 18 फेब्रुवारीला कागदपत्र घेऊन शिरूर इथल्या मारवेल हाॅटेलवर बोलावलं. नोकरीबद्दल बोलायचे आहे, असे सांगून कळमकर याने एका व्यक्तिसोबत हाॅटेलमधील रूम नंबर 110 मध्ये पाठवले. तो व्यक्ती तिथून गेल्यावर अभिषेक कळमकर तिथे आला अन् माझ्याबरोबर जबरदस्तीने शरीर संबंध ठेवले. या प्रकाराचे व्हिडिओ देखील काढले. या शरीर संबंधाच्या कोणाला सांगितल्यास, मला आणि माझ्या मुलीला जीवे मारण्याची धमकी दिल्याचे पीडिताने फिर्यादीत म्हटले आहे. एमआयडीसी पोलिसांनी कळमकर याच्या शोधात तपास सुरू केला आहे.