सासूच्या निधनाची बातमी समजताच सूनेचा ह्रदयविकाराच्या धक्क्याने मृत्यू, छत्रपती संभाजीनगरमधील घटनेने सर्वत्र हळहळ

अधिकची माहिती अशी की, डॉ. बाबासाहेब आंबेडकर मराठवाडा विद्यापीठाचे माजी सुरक्षा अधिकारी सुरेश परदेशी हे आपल्या आई व पत्नीसमवेत वेदांतनगर परिसरात राहत होते. काही दिवसांपूर्वी त्यांच्या आई रुक्मिणी रूपचंद परदेशी (वय 96) या दीपावलीच्या सुट्टीत नाशिक येथे आपल्या दुसऱ्या मुलाकडे गेल्या होत्या. मंगळवारी दुपारी नाशिकहून त्यांच्या निधनाची बातमी मिळताच घरात शोककळा पसरली. आईच्या निधनाचे वृत्त ऐकताच सुरेश परदेशी आपल्या कुटुंबासह नाशिकला जाण्याची तयारी करत होते. त्याचवेळी त्यांच्या पत्नी विजया सुरेश परदेशी (वय 62) यांना अचानक छातीत तीव्र वेदना जाणवू लागल्या. कुटुंबीयांनी तातडीने त्यांना घाटी रुग्णालयात नेले, मात्र उपचार सुरू होण्यापूर्वीच त्यांचा मृत्यू झाला.

हेही वाचा : Personal Finance: अपूर्ण इमारत की सुवर्णसंधी? बांधकाम सुरू असलेल्या बिल्डिंगमध्ये फ्लॅट घेण्याचे फायदे आणि तोटे

एका दिवसात सासू आणि सुनेच्या अशा दुहेरी मृत्यूमुळे परदेशी कुटुंबावर दुःखाचा डोंगर कोसळला आहे. परिसरातील नागरिकांनी या घटनेबद्दल तीव्र दुःख व्यक्त केले असून, “अशा दु:खद योगायोगाने मन हेलावून जाते,” अशा प्रतिक्रिया लोकांनी व्यक्त केली आहे. रुक्मिणीबाई परदेशी यांच्या निधनानंतर रात्री उशिरा नाशिक येथे त्यांच्यावर अंत्यसंस्कार करण्यात आले. त्यांच्या पश्चात पाच मुले, एक मुलगी, सुना व नातवंडे असा मोठा परिवार आहे.

विजया परदेशी यांच्यावर बुधवारी दुपारी तीन वाजता पुष्पनगरी स्मशानभूमीत अंत्यसंस्कार होणार आहेत. त्यांच्या मागे पती सुरेश परदेशी, दोन विवाहित मुली, एक मुलगा आणि नातवंडे असा परिवार आहे. एकाच घरातील दोन व्यक्तींचं अल्पावधीत निधन झाल्यामुळे संपूर्ण परिसरात शोककळा पसरली असून, नात्यांतील भावनिक बंध किती घट्ट असतात याचे हे दुर्मिळ पण वेदनादायक उदाहरण ठरले आहे.

इतर महत्त्वाच्या बातम्या 

डोनाल्ड ट्रम्प यांना मोठा धक्का, 'कम्युनिष्ट' म्हणून हिणवलं त्याच भारतीय वंशाच्या ममदानी यांची न्यूयॉर्कच्या महापौरपदी निवड