छत्रपती संभाजीनगरमध्ये भर चौकात एकट्या मुलीला पाहून तरुणाचे अश्लील चाळे, तरुणीने भर रस्त्यात चोप देताच पाया पडला

तरुणीकडून विकृत व्यक्तीला पोलिसांसमोर चोप 

अधिकची माहिती अशी की, जालना जिल्ह्यातील शेतकरी कुटुंबातील ही तरुणी शिक्षणासाठी छत्रपती संभाजीनगरात राहत आहे. ती क्रांती चौक परिसरात आपल्या मैत्रिणीची वाट पाहत असताना, तेथे उपस्थित असलेला खिवाराम कानाराम देवासी (वय ४८, रा. हुबळी, कर्नाटक) या व्यक्तीने तिच्याकडे पाहून अश्लील चाळे सुरू केले. सुरुवातीला मुलीने त्याच्याकडे दुर्लक्ष केले, परंतु तो थांबला नाही. उलट, नोटा दाखवत आणखी अश्लील इशारे करायला लागला. या वर्तनामुळे घाबरलेली पण धाडसाने वागणारी तरुणी ताबडतोब जवळच उभ्या असलेल्या वाहतूक पोलिसांकडे गेली आणि सर्व घडलेली घटना सांगितली.

हेही वाचा : स्थानिक निवडणुका जाहीर होताच शरद पवारांचा मोठा डाव, बीडमधील नेत्यावर सोपवली मोठी जबाबदारी

पोलिसांनी लगेच दामिनी पथकाला माहिती दिली. काही क्षणांतच दामिनी पथकातील अधिकारी निर्मला निंभोरे आणि पोलिस निरीक्षक सुनील माने घटनास्थळी दाखल झाले. या वेळी, आरोपीने पोलिस आणि पथकाच्या उपस्थितीतही अश्लील हालचाली सुरू ठेवल्या. त्यामुळे संतप्त झालेल्या तरुणीने स्वतःच पुढे येत त्या विकृत चालकाला चांगलाच धडा शिकवला. सर्वांसमोर तिने त्या विकृताला चोप दिलाय. उपस्थित नागरिकांनीही तिचे धैर्य कौतुकास्पद असल्याचे म्हटले. घटनेच्या वेळी क्रांती चौक परिसरात मोठी गर्दी जमली होती. उपस्थितांनी या प्रसंगाचा व्हिडिओ चित्रीत करून सोशल मीडियावर शेअर केला, जो काही तासांतच व्हायरल झाला. नागरिकांनी पोलिस प्रशासनाने महिलांच्या सुरक्षेसाठी कठोर कारवाई करावी, अशी मागणी केली आहे.

या घटनेची गंभीर दखल घेत पोलिस उपायुक्त रत्नाकर नवले आणि दामिनी पथक प्रमुख कांचन मिरधे यांनी तत्काळ चौकशी सुरू केली. आरोपी खिवाराम हा विवाहित असून मूळ कर्नाटकातील हुबळी येथील रहिवासी आहे. तो सध्या पुण्यात कामानिमित्त स्थायिक असून सोमवारी प्रवासी सोडण्यासाठी छत्रपती संभाजीनगरात आला होता. क्रांती चौक पोलिस ठाण्यात त्याच्याविरुद्ध अश्लील वर्तन, महिलेला छेडछाड आणि सार्वजनिक ठिकाणी अनुचित कृती केल्याबद्दल संबंधित कलमांखाली गुन्हा नोंदवण्यात आला आहे.

इतर महत्त्वाच्या बातम्या 

सासूच्या निधनाची बातमी समजताच सूनेचा ह्रदयविकाराच्या धक्क्याने मृत्यू, छत्रपती संभाजीनगरमधील घटनेने सर्वत्र हळहळ