अधिकाऱ्यांनी दाद घेतली नाही

मिळालेल्या माहितीनुसार, बेबी पाटील यांची भूविकास बँकेत अनुकंपा तत्त्वावर नियुक्ती झाली होती. मात्र, कालांतराने भूविकास बँक अवसायनात निघाली (liquidation). तेथील सर्व कर्मचाऱ्यांनी स्वेच्छानिवृत्ती स्वीकारली होती. या महिलेचा सेवेचा मोठा कार्यकाळ शिल्लक असतानाही, त्यांना थकीत शासकीय वेतन आणि इतर प्रलंबित लाभ अद्याप मिळाले नव्हते. हक्काचे पैसे मिळत नसल्याने त्या गेल्या अनेक दिवसांपासून मानसिक तणावाखाली होत्या आणि प्रशासकीय पातळीवर दाद मिळत नसल्याने त्यांनी हे टोकाचे पाऊल उचलल्याचे समजते.

हे ही वाचा : पंढरपूर : काळ्या धाग्यामुळे उघडकीस आले हत्याकांड, ऐश्वर्या मिसिंग असल्याची तक्रार आरोपीनेच दिली

झेंडावंदन  कार्यक्रमातच घेतले पेटवून

प्रजासत्ताक दिनाचे झेंडावंदन सुरू असतानाच, बेबी पाटील यांनी स्वतःच्या अंगावर ज्वलनशील पदार्थ ओतून घेतला आणि पेटवून दिले. अचानक घडलेल्या या घटनेमुळे घटनास्थळी उपस्थित असलेल्या पोलीस आणि नागरिकांची मोठी तारांबळ उडाली. पोलिसांनी तत्काळ हस्तक्षेप करून आग विझवण्याचा प्रयत्न केला आणि त्यांना तात्काळ उपचारासाठी शासकीय वैद्यकीय महाविद्यालयाच्या रुग्णालयात हलवले. या घटनेमुळे परिसरात तणावाचे वातावरण निर्माण झाले असून प्रशासनाविरुद्ध संताप व्यक्त केला जात आहे.

हे ही वाचा : डोंबिवलीतील कुख्यात रील स्टारचा काळा कारनामा उघड,12 वर्षांपूर्वीच्या खून प्रकरणाचा उलगडा

डॉक्टरांनी काय सांगितले?

रुग्णालयातील डॉक्टरांनी दिलेल्या माहितीनुसार, संबंधित महिला सुमारे 70 टक्के भाजली असून तिची प्रकृती चिंताजनक आहे. सध्या त्यांच्यावर अतिदक्षता विभागात उपचार सुरू असून डॉक्टर त्यांच्या प्रकृतीवर लक्ष ठेवून आहेत.

हे ही वाचा : Maharashtra Weather : मे महिन्यात सूर्यदेव आग ओकणार, 3 जिल्हे सुपरहॉट, IMD चा अलर्ट

बहीण काय म्हणाली?

ही घटना घडल्यानंतर बेबी पाटील यांची बहिणी तनुजा मोहिते यांनी माध्यमांशी बोलताना सांगितले की, '..तिचा पगारही थकित आहे. तिचं उदरनिर्वाहाचं साधन फक्त त्यावरच होतं. वडील वगैरे नसल्यामुळे आमच्या बहिणींचीही जबाबदारी होती. तिनं 20 तारखेलाच याच्या सूचना अधिकाऱ्यांना दिल्या होत्या. कलेक्टर ऑफिस, एसपी ऑफिस, पोलीस स्टेशन, विभागीय उपनिबंधक कार्यालय, पुण्याचे आयुक्त कार्यालय या सर्वांना तिनं आत्मदहन फायनल आहे अशा नोटीस दिल्या होत्या. आणि रात्री विभागीय कार्यालयालाही मेसेज टाकला होता की तिचं आत्मदहन फायनल आहे. आत्मदहनाचा इशारा देऊनही कोणतेच अधिकारी नव्हते. याचा तिला राग आला. यापूर्वीही तिला त्रास दिलेला आहे. अश्लील, वाईट बोलणं अशा घटना तिच्यासोबत घडल्या आहेत. याचे व्हिडिओदेखील तिच्याकडे आहेत...तिनं शेवटपर्यंत सांगितलं की आत्मदहन फायनल आहे. या आत्महत्येला तुम्हीच जबाबदार असाल असा विभागीय कार्यालयाला तिनं रात्री मेसेज टाकलेला आहे. याआधी तिनं पत्रही दिलेलं आहे.'