Electoral Bond Data: कोणत्या पक्षाला किती इलेक्टोरल बॉड मिळाले? SBI ची संपूर्ण लिस्ट

Electoral Bond Data:  सर्वोच्च न्यायालयाच्या कठोर आदेशानंतर स्टेट बँक ऑफ इंडियाने इलेक्टोरल बाँड्सचा तपशीलवार निवडणूक आयोगाकडे सुपूर्द केला आहे. यानंतर निवडणूक आयोगाने हा डेटा आपल्या अधिकृत वेबसाईटवरही अपलोड केला आहे. त्यामुळे आता कोणत्या पक्षाला बाँडद्वारे किती देणगी मिळाली आहे? हे जाणून घेऊयात.  (electoral bond full data who bought electoral bonds which party encashed thes compelte sbi data) 

एसबीयआने निवडणूक आयोगाच्या वेबसाईटवर दिलेल्या माहितीनुसार, निवडणूक रोख्याच्या माध्यमातून भाजपला सर्वाधिक 2 हजार 123 कोटी रूपयांची देणगी मिळाली आहे. तर दुसऱ्या क्रमांकावर पश्चिम बंगालच्या मुख्यमंत्री ममता बॅनर्जी यांच्या तृणमुल काँग्रेस पक्षाला देणगी मिळाली आहे. तृणमुलला 1 हजार 198 कोटी देणगी मिळाली आहे. तर तिसऱ्या क्रमांकावर राहुल गांधी यांच्या काँग्रेस पक्षाला 615 कोटी रूपये देणगी मिळाली आहे.

हे ही वाचा: काँग्रेसची महाराष्ट्रातील यादी जाहीर, 'यांना' तिकीट!

भाजपचे देणगीदार कोण? 

• मेघा इंजिनियरने 584 कोटी 
• क्लिव सप्लाय चैन 375 कोटी
• भारती एअरटेल 197 कोटी
• मदनलाल 176 कोटी
• केवेंटर फुडपार्क इन्फ्रा 145 कोटी
• डिएलएफ डेव्हलपर 130 कोटी
• बिरला कार्बेन इंडिया  105 करोड 
• वेदांता 355 कोटी 

असे सगळे देणगीदार मिळुन भाजपला निवडणूक रोख्याच्या माध्यमातून 2 हजार 123 कोटी देणगी मिळते.

तृणमुलचे देणगीदार कोण?

• हल्दीया एनर्जी, 362 करोड
• फ्युचर गेमिंग हॉटेल सर्विस 692 करोड
• धारीवाल इन्फ्रास्ट्रक्चर 90 करोड 
• चेन्नई ग्रीन वुड  40 करोड 

तृणमुल काँग्रेसला या देणगीदारांच्या माध्यमातून 1 हजार 198 करोड रूपये देणगी स्वरूपात मिळतात. 

काँग्रेसचे देणगीदार? 

• एमकेजे एंटकप्राईजेस 138 कोटी
• यशोदा सुपर स्पेशालिटी हॉस्पिटल 64 करोड 
• एसईपीसी पॉवर  30 

काँग्रसेला अशी एकूण मिळून 615 कोटी देणगी निवडणूक रोख्याच्या माध्यमातून मिळते. 

 तृणमूल काँग्रेस लॉटरी किंगच्या गेमिंगचा सर्वात मोठा लाभार्थी

तृणमूल काँग्रेसला फ्युचर गेमिंगकडून किमान 540 कोटी रुपयांचे इलेक्टोरल बॉण्ड मिळाले, ज्यामुळे 'लॉटरी किंग' सँटियागो मार्टिन यांनी दिलेल्या देणग्यांचा तो सर्वात मोठा लाभार्थी बनला आहे.  या फ्युचर गेमिंग कंपनीने DMK, YSR काँग्रेस, भाजपा आणि काँग्रेसलाही देणग्या दिल्या, असे SBI ने जारी केलेल्या आकडेवारीतून समोर आले आहे. 

हे ही वाचा: Lok Sabha 2024: एकनाथ शिंदे चक्रव्यूव्हात अडकले..

राजकीय पक्षांना सर्वात मोठा देणगी देणारा फ्युचर गेमिंग होता, ज्याने 1,368 कोटी रुपयांचे रोखे खरेदी केले. तृणमूल काँग्रेस व्यतिरिक्त, फ्युचर गेमिंगने तामिळनाडूच्या सत्ताधारी पक्ष DMK ला 509 कोटी रुपये, आंध्र प्रदेशच्या YSR काँग्रेस पक्षाला जवळपास 160 कोटी रुपये, भाजपला 100 कोटी रुपये आणि काँग्रेसला 50 कोटी रुपये दिले आहेत.सिक्कीमच्या दोन पक्षांना, ज्या काही राज्यांमध्ये लॉटरी कायदेशीर आहे, त्यांना एकत्रितपणे फ्युचर गेमिंगमधून 10 कोटी रुपयांपेक्षा कमी मिळाले.

मेघा इंजिनियरिंग दुसरी सर्वात मोठी देणगीदार 

हैदराबादस्थित मेघा इंजिनियरिंग कंपनी दुसरी सर्वात मोठी देणगीदार कंपनी आहे. या कंपनीने भाजप, भारत राष्ट्र समिती आणि द्रमुकसह विविध पक्षांना 966 कोटी रुपये दिले आहेत.

क्विक सप्लाय तिसरी मोठी देणगीदार कंपनी आहे. 2021-22 आणि 2023-24 दरम्यान 410 कोटी रुपयांचे रोखे विकत घेतले आणि भाजपला 395 कोटी रुपये आणि शिवसेनेला 25 कोटी रुपये दिले.नवी मुंबईतील धीरूभाई अंबानी नॉलेज सिटी (DAKC) येथे नोंदणीकृत पत्त्याची आणि रिलायन्स इंडस्ट्रीजशी लिंक असलेली अल्प-प्रसिद्ध कंपनी, क्विक सप्लाय चेन प्रायव्हेट लिमिटेड, गोदामे आणि स्टोरेज युनिट्सची उत्पादक म्हणून वर्णन केली जाते, या कंपनीने इतर कोणत्याही राजकीय पक्षाला बॉन्ड दिले नाहीत.

वेदांत, भारती एअरटेल, मुथूट, बजाज ऑटो, जिंदाल ग्रुप आणि टीव्हीएस मोटर यांसारख्या मोठ्या कॉर्पोरेट समूहांकडून भाजपला मोठा निधी मिळाला होता.वेदांत समूहाने भाजप काँग्रेस, बीजेडी आणि टीएमसीला देणग्या दिल्या, तर भारती एअरटेलने भाजप, आरजेडी, एसएडी, काँग्रेस, बिहार प्रदेश जनता दल (संयुक्त) यांना देणग्या दिल्या.

मुथूट यांनी भाजप, राष्ट्रवादी काँग्रेस महाराष्ट्र प्रदेश, बजाज गट भाजपला आणि आप अपोलो टायर्स काँग्रेसला, केव्हेंटर्स यांनी भाजप आणि काँग्रेसला देणगी दिली.

उद्योगपती लक्ष्मी निवास मित्तल यांनी भाजपला देणगी दिली, तर बायोकॉनचे प्रमुख किरण मुझुमदार शॉ यांनी भाजप, टीएमसी आणि काँग्रेसला देणगी दिली.

रुंगटा सन्स प्रायव्हेट लिमिटेडने काँग्रेस, भाजप, टीएमसी आणि सिक्कीम क्रांतीकारी मोर्चाला देणगी दिली.

पिरामल कॅपिटल आणि सन फार्मा या फार्मास्युटिकल कंपन्यांनी भाजपला देणगी दिली, तर टोरेंट फार्मास्युटिकल लिमिटेडने भाजप, आप आणि काँग्रेसला, नॅटको फार्माने भाजप, टीडीपी, टीएमसी आणि बीआरएसला देणगी दिली.