बहिणीचा दीर खूपच आवडला, अनैतिक संबंधही.. पण नंतर घडलं भयंकर अन् गेला भलत्याचाच जीव

1 वर्षापासून फरार आरोपीचा शोध...

खरंतर, दिल्ली पोलिसांच्या गुन्हे शाखेने फरार आरोपींचा शोध घेण्यासाठी एक पथक तयार केले. हे पथक न्यायालयाने फरार घोषित केलेल्या प्रीतम प्रकाशचा शोध घेत होते. प्रीतम सुमारे 1 वर्षापासून बेपत्ता होता. त्याच्याविरोधात ट्रक लुटल्याचे जवळपास 10 गुन्हे दाखल होते, त्यापैकी एका प्रकरणात प्रीतमला न्यायालयाने फरार घोषित केले होते.

अचानक फोन अॅक्टिव्ह झाला अन्...

बरेच प्रयत्न करुनही प्रीतमचा शोध लागत नव्हता आणि अशातच 30 जुलै रोजी त्याचा मोबाईल फोन अचानक चालू झाला. मोबाईल हँडसेट जुना होता, पण सिम नवीन होता. मोबाईल फोन अॅक्टिव्ह होताच दिल्ली पोलीस फोन ट्रॅक करत असताना दिल्ली पोलिसांच्या गुन्हे शाखेचे पथक अलीपूर परिसरात पोहोचले आणि तिथून एका व्यक्तीला ताब्यात घेण्यात आले. 

प्रियकराच्या साथीने पतीच्या हत्येचा कट 

ज्या व्यक्तीकडून प्रीतमचा फोन जप्त करण्यात आला, त्याचं नाव रोहित असल्याचं समोर आलं. रोहितने पोलिसांची दिशाभूल करण्याचा प्रयत्न केला पण पोलिसांनी त्याची काटेकोरपणे चौकशी केली असता तो फोन प्रीतमचा असल्याचं त्याने सांगितलं. तसेच, 1 वर्षापूर्वी प्रीतमची हत्या झाली असून स्वत: रोहित आणि प्रीतमची पत्नी सोनियाने त्याच्या हत्येचा कट रचल्याचं देखील त्याने पोलीस चौकशीत सांगितलं.

हे ही वाचा: पैसै कमावून पती घरी आला..पत्नीला प्रियकरासोबत शारीरिक संबंध करताना पकडलं! पतीने कुऱ्हाड उचलली अन्..

हत्येसाठी 50 हजार रुपयांची सुपारी 

पोलिसांनी प्रीतमच्या पत्नीला ताब्यात घेऊन तिची चौकशी केली असता तिचे रोहितसोबत प्रेमसंबंध असल्याचं तिने सांगितलं. दोघांनी मिळून प्रीतमचा काटा काढण्याचा कट रचला होता. 5 जुलै 2024 रोजी प्रीतमची पत्नी सोनिया पतीला घेऊन सोनीपतला गेली. तिथे सोनियाने तिच्या बहिणीचा दीर विजयला 50,000 रुपयांची सुपारी दिली होती. त्या रात्री विजयने प्रीतमला दारू पाजली आणि गळा दाबून त्याची हत्या केली. हत्येनंतर विजयने त्याचा मृतदेह एका नाल्यात फेकून दिला. 

कुजलेल्या अवस्थेत सापडला मृतदेह 

10 जुलै 2024 रोजी सोनीपत पोलिसांना कुजलेल्या अवस्थेत प्रीतमचा मृतदेह सापडला. पोलिसांनी या प्रकरणात हत्येचा गुन्हा दाखल केला. मात्र, त्यावेळी त्यांना पीडितेची ओळख पटली नाही. तसेच, अलीपुरला आल्यानंतर 20 जुलै 2024 रोजी सोनियाने प्रीतम बेपत्ता असल्याची तक्रार नोंदवली. सोनियाने सोनीपतमध्येच अगदी हुशारीने तिच्या पतीचा मोबाईल ताब्यात घेतला होता आणि सिम कार्ड तोडून ते फेकून दिले होते. मात्र मोबाईल सेट स्वत:कडेच ठेवला होता. 

हे ही वाचा: मुंबईची खबर: रेल्वे प्रवाशांसाठी खुशखबर! प्लॅटफॉर्मवर गर्दी कमी होणार... 'ही' खास ट्रेन लवकरच धावणार

दिल्लीत आल्यानंतर काही दिवसांनी सोनियाने प्रीतमची ऑटो 4.5 लाख रुपयांना विकली आणि त्यातील 50,000 रुपये विजयला दिले. हत्येच्या एका वर्षानंतर, आपण पकडले जाणार नाही, या गैरसमजात तिने तिचा प्रियकर रोहितला प्रीतमचा मोबाईल दिला. प्रीतमचा मोबाईल सक्रिय होताच पोलीस पथकाने शोध सुरू केला आणि एक वर्ष जुनं हत्येचं प्रकरण उघडकीस आलं.