cough syrup मुळे दहा जणांचा मृत्यू, पोलीस प्रशासनाला आली जाग, डॉक्टरांना उचललं

हे ही वाचा : 6 ऑक्टोबरपासून विष योग निर्माण होणार, याचा काही राशीतील लोकांना धोका मिळणार, काय सांगतं राशीभविष्य?

खोकल्याच्या औषधामुळे मुलांचा मृत्यू

कोल्ड्रीफ सिरफची चाचणी लॅबमध्ये केल्यानंतर शनिवारी रात्री त्याचे रिपोर्टही समोर आले आहेत. रिपोर्टनुसार, कोल्ड्रीफ सिरफ औषधामुळे मुलांचा मृत्यू झाला आहे. त्यानंतर त्यांची तपासणी करत नंतर चाचण्याही करण्यात आल्या होत्या. शनिवारी रात्री त्याचे अहवाल देण्यात आले होते. याच रिपोर्टनुसार, खोकल्याच्या औषधात (कोल्ड्रीफ) डायएथिलीन ग्लईकोलचे प्रमाण 48.6 टक्के इतके आहे, यामुळे आरोग्याला धोका निर्माण झालेला दिसतो. 

डॉ. प्रवीण सोनीने कफ सिरपची चिठ्ठी लिहून दिली

या प्रकरणात पोलिसांनी वेगवेगळ्या कलमान्वये गुन्हा दाखल केला आहे. ड्राग्ज आणि कॉस्मेटिक कायद्यातील कलम 27(A), भारतीय न्याय संहिता कलम 1.5 आणि 276 चा समावेश आहे. दरम्यान, या एकूण प्रकरणात डॉक्टरच्याविरोधात परासिया येथील आरोग्य केंद्राचे प्रमुख अंकित सहलाम यांनी तक्रार दिली आहे. या प्रकरणात मृत्यू झालेल्या बहुतांश मुलांना देण्यात आलेला कफ सिरप हे डॉ. प्रवीण सोनीने लिहून दिले होते असा आरोप करण्यात आला. 

हे ही वाचा : Maharashtra Weather: राज्यात पावसाचा जोर, चंद्रपूर, गडचिरोलीसह विदर्भात येलो अलर्ट जारी

संबंधित प्रकरणात मध्य प्रदेशचे मुख्यमंत्री मोहन यादव म्हणाले, "छिंदवाडामध्ये कोल्ड्रिफ कफ सिरपमुळे मुलांचे मृत्यू झाल्याची धक्कादायक घटना आहे. या घटनेननं सिरपची विक्री मध्य प्रदेशात बंदी घालण्यात आली आहे. हे सिरप बनवणाऱ्या कंपनीच्या इतर वस्तूंवरही बंदी घालण्यात आली आहे".