हे ही वाचा : 'कृष्णा आंधळे 3 ते 4 वेळा गावात येऊन गेला...' संतोष देशमुख हत्या प्रकरणात मोठा खुलासा

ट्युशनवरुन येत असताना मारहाण

दिवंगत व्यापारी महादेव मुंडे यांचा मुलगा ट्युशन वरून घराकडे येत असताना सोमेश्वर नगर भागामध्ये एका व्यक्तीने त्याला अडवून तू कोणाचा आहे? असे विचारले. त्या मुलाने मी महादेव मुंडे यांचा मुलगा आहे असे सांगितल्यानंतर दोन कानाखाली हाणून मारहाण केली आहे.

मारहाण करणारा कराडचा समर्थक

मारहाण करणारा बालाजी आघाव असून तो वाल्मीक कराडचा समर्थक असल्याचं साम टीव्हीशी बोलताना नातेवाईकांनी सांगितले आहे. मारहाण का झाली, कशामुळे झाली याची चौकशी आता परळी पोलीस करत असून अज्ञात विरुद्ध परळी पोलिसांमध्ये गुन्हा करण्यात आला आहे.

हे ही वाचा : बीड : माजलगावच्या लॉजमधील 'त्या' खोलीत दुर्गंधी पसरली होती, दरवाजा उघडताच नको तेच... पुढे काय घडलं?

पत्रात काय म्हटले आहे?

दिवंगत व्यापारी महादेव मुंडे यांच्या पत्नी ज्ञानेश्वरी मुंडे यांनी बीडच्या पोलिस अधीक्षकांना पत्र लिहिले आहे. यामध्ये त्यांनी म्हटलंय की, 'वाल्मिक कराडच्या दोन्ही मुलांकडून आमच्या कुटुंबियांच्या जीवितास धोका आहे. काही अनपेक्षित किंवा अनैसर्गिक घटना घडल्यास कराडची दोन्ही मुले व त्याची टोळी जबाबदार राहतील. त्यांच्यावर प्रतिबंधात्मक कार्यवाही करावी.'