हे ही वाचा : धाराशिव : टायर फुटून कार चहाच्या स्टॉलवर घुसली; माजी नगरसेवकासह दोघांचा मृत्यू, दोघे जखमी

बनावट जन्म प्रमाणपत्र सादर केले

पीडित तरुणीच्या वैद्यकीय तपासणीनंतर पोलिसांनी तातडीने गुन्हा दाखल करून तपासाची चक्रे फिरवली आणि आरोपीला अटक केली. मात्र, तपासादरम्यान एक धक्कादायक बाब उघडकीस आली. आरोपीने कायद्याच्या कचाट्यातून सुटण्यासाठी आणि शिक्षा कमी करून घेण्याच्या उद्देशाने पोलिसांची दिशाभूल करण्याचा प्रयत्न केला. त्याने स्वतःचे बनावट जन्म प्रमाणपत्र सादर करून आपले वय केवळ 16 वर्षे 6 महिने असल्याचे भासवले, जेणेकरून त्याला अल्पवयीन घोषित केले जावे.

'असे' समोर आले खरे वय

पोलिसांना आरोपीने सादर केलेल्या कागदपत्रांवर संशय आल्याने त्यांनी या कागदपत्रांची सखोल पडताळणी केली. या चौकशीत आरोपीचे खरे वय 18 वर्षे 6 महिने असल्याचे उघड झाले आणि त्याचा बनावट कागदपत्रांचा डाव फसला. बदनापूर पोलीस ठाण्याचे पीएसआय अजय जयस्वाल यांनी सांगितले की, आरोपीने बनावट दस्तऐवज सादर करून पोलिसांना गुंगारा देण्याचा प्रयत्न केला होता, परंतु पोलिसांनी तांत्रिक तपासणीद्वारे त्याचे खरे वय समोर आणले आहे.

हे ही वाचा : अश्लील व्हिडिओ दाखवून विद्यार्थिनींशी चाळे, गावातील महिलांनी भर चौकात शिक्षकाला चपलेने बदडले; भंडाऱ्यातील धक्कादायक प्रकार

आरोपीला न्यायालयीन कोठडी

या गंभीर गुन्ह्यातील आरोपीला सध्या न्यायालयात हजर केले असता, त्याला न्यायालयीन कोठडी सुनावण्यात आली आहे. पोलीस आता या संपूर्ण प्रकरणाचा पुढील तपास करत असून, बनावट कागदपत्रे तयार करण्यात त्याला कोणाची मदत झाली, याचाही शोध घेतला जात आहे. विवाहाचे आमिष दाखवून लैंगिक शोषण आणि त्यानंतर वयाबाबत केलेली फसवणूक यामुळे या प्रकरणाकडे संपूर्ण जिल्ह्याचे लक्ष लागले आहे.