राज्यात तयार होणारी वीज मुंबईपर्यंत पोहोचवणे शक्य

राज्यात मोठ्या प्रमाणात निर्माण होणारी सौर ऊर्जा आणि इतर हरित ऊर्जा आता थेट मुंबईपर्यंत पोहोचवणे या वाहिनीमुळे सहज शक्य होईल. विशेषतः उन्हाळ्याच्या काळात जेव्हा विजेची मोठी मागणी असते, तेव्हा राज्याच्या इतर भागांतील स्वस्त आणि पर्यावरणपूरक वीज मुंबईकरांना उपलब्ध करून दिली जाईल. यामुळे विजेचा तुटवडा भासणार नाही आणि नैसर्गिक स्रोतांचा वापर वाढल्याने पर्यावरणाचेही रक्षण होईल.

हे ही वाचा : नागपूर : रेल्वे रुग्णालयात लोको पायलटने गळफास घेत संपवलं जीवन, कर्मचाऱ्यांमध्ये भीतीचं वातावरण

1 हजार मेगावॅटची भर पडणार

मुंबईची विजेची गरज साधारणपणे 4000 ते 4,500 मेगावॅटच्या दरम्यान असते. मात्र, या नव्या 'एचव्हीडीसी' लिंकमुळे मुंबईच्या वीज वाहून नेण्याच्या क्षमतेत आणखी १,००० मेगावॅटची भर पडणार आहे. विशेष म्हणजे, ही यंत्रणा आधुनिक असल्याने वीज गळतीचे प्रमाण अत्यंत कमी असेल, ज्यामुळे उपलब्ध ऊर्जेचा जास्तीत जास्त वापर करणे शक्य होईल. सध्या खारघर-विक्रोळी दरम्यान असलेल्या वाहिनीद्वारे शहराला वीजपुरवठा केला जातो.

हे ही वाचा : पुणे : राम जन्मोत्सव मिरवणुकीदरम्यान, डीजेच्या कर्णकर्कश आवाजाने महिलेचा मृत्यू

40 ते 50 पैशांचा लाभ

या नवीन पारेषण वाहिनीतून मिळणाऱ्या विजेचा लाभ केवळ एका कंपनीला नसून सर्व मुंबईकरांना मिळणार आहे. यातील सुमारे २० टक्के वीज महावितरणला मिळेल, तर उर्वरित वीज बेस्ट (BEST), टाटा पॉवर आणि अदानी इलेक्ट्रिसिटी या कंपन्यांना पुरवली जाईल. संबंधित कंपन्या जेव्हा त्यांचे वीजदर आणि इंधन अधिभार निश्चित करतील, तेव्हा ग्राहकांना प्रति युनिट ४० ते ५० पैशांचा प्रत्यक्ष लाभ मिळणे अपेक्षित आहे.