ऑपरेशन थिएटरमध्ये अक्षम्य चूक

शाहू सुनील दंदाडे असे या दुर्दैवी बालकाचे नाव आहे. शाहूला जन्मजात दोन्ही हातांना सहा-सहा बोटे होती. त्याच्या उजव्या हाताच्या अतिरिक्त बोटामुळे त्याला प्रचंड वेदना होत होत्या, त्यामुळे त्याचे पालक त्याला उपचारासाठी उपजिल्हा रुग्णालयात घेऊन आले होते. डॉक्टरांनी शस्त्रक्रियेचा सल्ला दिला खरा, मात्र प्रत्यक्ष ऑपरेशन थिएटरमध्ये डॉक्टरांकडून अक्षम्य चूक झाली. उजव्या हातातील त्रासदायक बोट काढण्याऐवजी डॉक्टरांनी डाव्या हाताचे निरोगी बोट कापून टाकले, असा आरोप नातेवाईकांनी केला आहे.

हे ही वाचा : 'त्या' बंद दरवाजाचे गूढ, महाराष्ट्रातील 'या' सरकारी इमारतीचा पश्चिम दरवाजा का असतो बंद?

पुरावे नष्ट करण्याचा प्रयत्न

शस्त्रक्रिया आटोपल्यानंतर जेव्हा पालकांनी मुलाला पाहिले, तेव्हा त्यांना हा गंभीर प्रकार लक्षात आला. यामुळे संतप्त झालेल्या नातेवाईकांनी रुग्णालय परिसरात मोठा गोंधळ घातला. इतकेच नव्हे तर, आपली चूक लपवण्यासाठी आणि पुरावे नष्ट करण्यासाठी संबंधित डॉक्टरांनी कागदपत्रांमध्ये फेरफार केल्याचा गंभीर आरोपही पालकांनी केला आहे. या प्रकारामुळे रुग्णालयात काही काळ तणावाचे वातावरण निर्माण झाले होते.

हे ही वाचा : Personal Finance: रोज 200 रुपये गुंतवा अन् 20 लाख मिळवा.. नेमका फंडा काय?

प्रशासनाकडून चौकशीचे आदेश

या प्रकरणाचे गांभीर्य ओळखून उपजिल्हा रुग्णालय प्रशासनाने तातडीने चौकशीचे आदेश दिले आहेत. दोषींवर कठोर कारवाई करण्याची मागणी पीडित कुटुंबाने केली आहे. एका लहान मुलाच्या भविष्याशी खेळणाऱ्या या हलगर्जीपणामुळे सामान्य जनतेमध्ये भीतीचे आणि अविश्वासाचे वातावरण निर्माण झाले आहे. आता या चौकशीतून काय निष्पन्न होते आणि दोषी डॉक्टरांवर प्रशासन काय कारवाई करते, याकडे सर्वांचे लक्ष लागले आहे.