Maharashtra Weather : हवामानाच्या दिशेत बदल, कुठे कोसळधारा तर कुठे वादळ

हे ही वाचा : नवरा-बायकोत वाद, फेसबुक लाईव्ह येऊन पतीनं संपवलं जीवन

कोकण 

कोकण विभागातील पालघर आणि मुंबईमध्ये हलक्या स्वरुपाचे हवामान राहण्याची अधिक शक्यता आहे. रत्नागिरी आणि ठाणे येथे हलका ते मध्यम स्वरुपाच्या पावसाचा अंदाज वर्तविण्यात आलेला आहे. रायगड आणि सिंधुदुर्गात मध्यम स्वरुपाच्या पावसाची शक्यता वर्तविण्यात आलीये.  

उत्तर महाराष्ट्र 

धुळे आणि नंदुरबार या जिल्ह्यांत हलक्या स्वरुपाच्या पावसाची शक्यता आहे. जळगाव, नाशिक आणि नाशिक घाटमाथा परिसरात विजांच्या कडकडाटासह हलक्या पावसाचा अंदाज आहे. अहिल्यानगरात मुसळधार ते अतिमुसळधार पावसाचा यलो अलर्टचा अंदाज आहे. 

पश्चिम महाराष्ट्र 

पश्चिम महाराष्ट्रात कोल्हापूर, सातारा आणि सांगली या तीन जिल्ह्यांत हलक्या स्वरुपाच्या पावसाचा अंदाज आहे. पुण्यात विजांच्या कडकडाटासह हलका ते मध्यम स्वरुपाच्या पावसाचा अंदाज आहे. सातारा घाटमाथा, कोल्हापूर घाटमाथा आणि पुणे घाटमाथा परिसरात मध्यम स्वरुपाच्या पावसाची शक्यता आहे. सोलापूर जिल्ह्यात विजांच्या कडकडाटासह हलक्या पावसाचा अंदाज आहे. 

मराठवाडा 

मराठवाडा विभागातील छत्रपती संभाजीनगर, जालना, लातूर आणि हिंगोलीत विजांच्या कडकडाटासह हलका ते मध्यम स्वरुपाच्या पावसाचा अंदाज आहे. धाराशिवमध्ये विजांच्या कडकडाटासह हलका पाऊस राहणार आहे. नांदेड, बीड आणि परभणी जिल्ह्यांत पावसाचा यलो अलर्टचा अंदाज आहे. 

हे ही वाचा : शिवसेना सुनावणी: ठाकरेंनी पुन्हा नार्वेकरांना घेरलं, सिब्बलांचा घणाघाती युक्तिवाद सुरू

विदर्भ 

अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, वाशिम आणि यवतमाळ या जिल्ह्यांना हवामान विभागाने कोणाताही अलर्ट जारी केला नाही.