Maharashtra Weather : मुंबईसह राज्यात पुढील चार दिवस मुसळधार पाऊस, IMD चा अंदाज

हे ही वाचा : मुंबईच्या साकीनाका परिसरात मॅनहोलमध्ये व्यक्ती पडला, वाहून गेल्याची भीती व्यक्त

मुंबई आणि उपनगरांत मुसळधार पावसाचं थैमान

IMD हवामान विभागानुसार, विक्रम सिंह यांनी सांगितलं की, 24 तासादरम्यान मुंबई आणि उपनगरांत मुसळधार पावसाने थैमान घातलं. मागील दोन दिवसांपासून मान्सूनजन्य परिस्थिती असल्याचा हवामान विभागाने अंदाज वर्तवला आहे. मुंबईतील काही भागांत पाणी साचलं होते, तिकडची परिस्थिती आता नियंत्रणात आली. पावसाचा जोर हा 3 जुलै रोजी अनेक ठिकाणी मुसळधार ते अति मुसळधार पावसाची अधिक शक्यता आहे. 

काही भागांत अतिवृष्टी होण्याची अधिकची संभावना आहे. पावसाचा परिणाम हा सर्वदूरवर पसरलेला आहे. तसेच राज्याच्या ठिकठिकाणी त्याचा परिणाम निर्माण होऊ शकतो. ते म्हणाले की,  पुढील दोन ते तीन दिवस सततच्या मुसळधार पावसामुळे सखल भागांत पाणी साचण्याची संधी आहे. 

हे ही वाचा : सासऱ्याने सुनेला अश्लील व्हिडिओ पाठवले, नंतर पीडितेच्या माहेरी जाऊन धमकावले

पुढील काही दिवस पावसाचा जोर कायम

IMD नुसार, 4 जुलैच्या संध्याकाळपासून 6 जुलैपर्यंत पावसाचा जोर कामय राहण्याची शक्यता आहे. या काळात, राज्याच्या विविध भागांमध्ये सलग चार ते पाच दिवस चांगला पाऊस पडण्याची शक्यता आहे. हवामानाच्या दृष्टीने हा एक महत्त्वाचा काळ आहे. नागरिकांनी पूर्णपणे सतर्क राहावे.