Maharashtra Weather : राज्यात पावसाचा कहर, 16 जिल्ह्यांवर आस्मानी संकट

हे ही वाचा : राहुल गांधींच्या घराबाहेर जबरदस्त ड्रामा, आता पोलिसांनी नेमकं केलं तरी काय?

कोकण 

कोकण विभागातील ठाणे, पालघर आणि रायगड जिल्ह्यांत मुसळधार ते अतिमुसळधार पावसाचा ऑरेंज अलर्ट आहे. तर मुंबईसह रत्नागिरी आणि सिंधुदुर्ग जिल्ह्यांत वादळी वाऱ्यासह मुसळधार पावसाची अधिक शक्यता दिसून येत आहे. याच जिल्ह्यांना पावसाचा यलो अलर्टचा अंदाज आहे. 

उत्तर महाराष्ट्र 

उत्तर महाराष्ट्रातील धुळे, जळगाव आणि अहिल्यानगरमध्ये वादळी वाऱ्यासह हलका ते मध्यम स्वरुपाच्या पावसाची शक्यता आहे. नंदुरबार आणि नाशिक जिल्ह्यांत विजांच्या कडकडाटासह पावसाचा अंदाज आहे. याच जिल्ह्यांना पावसाचा यलो अलर्टची शक्यता वर्तवण्यात आलेली आहे. नाशिक घाटमाथा परिसरात मुसळधार ते अतिमुसळधार पावसाचा ऑरेंजची शक्यता वर्तवण्यात आली. 

पश्चिम महाराष्ट्र 

पश्चिम महाराष्ट्रातील सातारा, सांगली आणि सोलापूर या जिल्ह्यांना हलका ते मध्यम स्वरुपाच्या पावसाची शक्यता वर्तवलेली आहे. पुणे घाटमाथा परिसरात मुसळधार ते अतिमुसळधार पावसाचा अंदाज असून रेड अलर्टचा अंदाज आहे. कोल्हापूर घाटमाथा परिसरात यलो अलर्ट, तर सातारा घाटमाथा परिसरात पावसाचा ऑरेंज अलर्टचा अंदाज आहे. 

मराठवाडा

छत्रपती संभाजीनगर, जालना, परभणी, बीड, हिंगोली, नांदेड, लातूर आणि धाराशिव या जिल्ह्यांत हलका ते मध्यम स्वरुपाच्या पावसाची शक्यता आहे. 

हे ही वाचा : राज ठाकरे बोलले 'तो' पावडरचा व्हिडीओ नेमका काय? मुंबई पोलीस काय म्हणाले?

विदर्भ 

विदर्भातील अकोला, बुलढाणा, वाशिम आणि यवतमाळ जिल्ह्यांत वादळी वाऱ्यासह विजांच्या कडकडाटासह पावसाची शक्यता आहे. या जिल्ह्यांना यलो अलर्टचा अंदाज आहे.  तर भंडारा, चंद्रपूर, गडचिरोली, गोंदिया, नागपूर आणि वर्धा येथे हवामान कोरडे राहण्याची शक्यता आहे.