कायम साधेपणाने जगलेले नाना पाटेकर किती कोटींचे मालक? मागे सोडली ‘एवढ्या’ कोटींची संपत्ती!

गोव्यात घेतला अखेरचा श्वास

नाना पाटेकर यांच्या छातीत दुखत असल्याची तक्रार झाल्यानंतर गोव्यातील त्यांच्या फ्लॅटवर डॉक्टरांनी तातडीने कार्डियाक मसाज म्हणजेच CPR दिला. प्रकृतीत सुधारणा न झाल्याने त्यांना मणिपाल रुग्णालयात नेण्यात आले. मात्र, पहाटे 5.20 वाजता त्यांनी अखेरचा श्वास घेतला.⁠

आर्थिक अडचणींच्या काळातून कोट्यवधींच्या संपत्तीपर्यंत

नाना पाटेकर यांचे बालपण आर्थिक अडचणींमध्ये गेले. त्यांच्या वडिलांचा टेक्सटाइल पेंटिंगचा व्यवसाय होता. कौटुंबिक व्यवसाय बंद झाल्यानंतर नाना यांनी उदरनिर्वाहासाठी झेब्रा क्रॉसिंग आणि चित्रपटांची पोस्टर्स रंगवण्याचे काम केले होते. पुढे आपल्या अभिनयाच्या जोरावर त्यांनी बॉलिवूडमध्ये मोठे स्थान निर्माण केले.

अंदाजे 80 कोटी रुपयांची नेटवर्थ

मीडिया रिपोर्ट्सनुसार, नाना पाटेकर यांची अंदाजे नेटवर्थ सुमारे 80 कोटी रुपये असल्याचे सांगितले जाते. साधे जीवन जगणारे नाना पाटेकर मोठ्या पडद्यावर जितके लोकप्रिय होते, तितकंच त्यांचं राहणीमान देखील साधं होतं.

गोवा, मुंबई आणि पुण्यात मालमत्ता

नाना पाटेकर यांच्याकडे गोव्यात फ्लॅट असल्याचे सांगितले जाते. याशिवाय पुण्यातील लॉ कॉलेज रोडवर त्यांचे घर आणि मुंबईत 1 BHK फ्लॅट असल्याचे वृत्तात नमूद करण्यात आले आहे.

पुण्याजवळ खडकवासला परिसरातील एका गावात त्यांचे फार्महाऊस आहे. हे फार्महाऊस तब्बल 27 एकरांमध्ये पसरलेले आहे. नाना पाटेकर आपला बराचसा वेळ याच फार्महाऊसमध्ये घालवत असत. येथे गहू आणि भाताची शेतीही केली जात होती. विशेष म्हणजे शेतीतून मिळणारे उत्पन्न ते शेतकऱ्यांना मदत करण्यासाठी वापरत असे.

शेतकऱ्यांसाठी ‘नाम फाउंडेशन’

नाना पाटेकर यांची ओळख केवळ अभिनेता म्हणून नव्हे, तर सामाजिक कार्यकर्ते म्हणूनही होती. त्यांनी 2015 मध्ये ‘NAAM Foundation’ची सुरुवात केली. हे पुण्यात मुख्यालय असलेले नोंदणीकृत गैर-नफा संस्थान आहे.

महाराष्ट्रातील दुष्काळ, पाणीटंचाई, कर्जबाजारीपणा आणि आर्थिक अडचणींमुळे संकटात सापडलेल्या शेतकरी कुटुंबांना या संस्थेच्या माध्यमातून मदत केली जात होती. गरजू शेतकऱ्यांच्या मुलींच्या लग्नासाठीही नाना पाटेकर आर्थिक मदत करत असल्याचे वृत्तात नमूद आहे.

अभिनयासोबत सामाजिक कामाचीही मोठी ओळख

नाना पाटेकर यांनी आपल्या आयुष्यात मिळवलेली संपत्ती केवळ स्वतःपुरती मर्यादित ठेवली नाही, तर सामाजिक कार्यासाठीही तिचा उपयोग केला. आर्थिक अडचणींमधून सुरुवात करून बॉलिवूडमध्ये स्वतःची ओळख निर्माण करणाऱ्या नाना पाटेकर यांच्या आयुष्याचा हा प्रवास अनेकांसाठी प्रेरणादायी ठरला.

त्यांच्या निधनामुळे हिंदी आणि मराठी चित्रपटसृष्टीने एक अष्टपैलू अभिनेता गमावला आहे. त्यांच्या अभिनयाची छाप आणि सामाजिक कार्याची आठवण मात्र कायम राहणार आहे.