Govt Job: 'या' बँकेकडून पोस्ट विभागात निघाली मोठी भरती! थेट अर्ज करा अन्... काय आहे पात्रता?

या भरतीची प्रक्रिया पूर्णपणे ऑनलाइन असून उमेदवार  ippbonline.com या IPPB च्या अधिकृत वेबसाइटवर जाऊन अर्ज करू शकतात. अर्ज करतेवेळी उमेदवाराचा फोटो, सही आणि आवश्यक डॉक्यूमेंट्स अपलोड करणं अनिवार्य आहे. तसेच, उमेदवारांना अर्जाची प्रिंटआउट 13 नोव्हेंबर 2025 पर्यंत काढता येऊ शकते. 

वयोमर्यादा 

या भरतीमध्ये अर्ज करण्यासाठी उमेदवारांनी कोणत्याही मान्यताप्राप्त विद्यापीठातून कोणत्याही विषयात ग्रॅज्युएट म्हणजे पदवीधर असणं आवश्यक आहे. याव्यतिरिक्त, भरतीमध्ये सहभागी होण्यासाठी उमेदवारांचं किमान वय 20 वर्षे आणि कमाल वय 35 वर्षे निश्चित करण्यात आलं आहे. तसेच, 1 ऑगस्ट 2025 या तारखेच्या आधारे उमेदवारांच्या वयाची गणना करण्यात येईल. 

हे ही वाचा: पुणे: "चंद्रकांत पाटलांचा कर्मचारी निलेश घायवळच्या संपर्कात..." धंगेकरांचा आरोप आणि शिवसेना-भाजपातच जुंपली

किती मिळेल वेतन? 

या भरतीमध्ये उमेदवारांच्या शैक्षणिक गुणांच्या आधारे उमेदवारांची नियुक्ती केली जाईल. संबंधित भरतीसाठी अर्जदारांची संख्या अधिक असल्यास संस्थेकडून ऑनलाइन परीक्षेचं सुद्धा आयोजन करण्यात येईल. या भरतीमध्ये निवड झालेल्या उमेदवारांना दर महिन्याला 30,000 रुपये वेतन दिलं जाईल. 

हे ही वाचा: प्लॅन A मध्ये विष अन् प्लॅन B मध्ये गोळ्या... गरोदर पत्नीने पतीसोबतच केला मोठा गेम! पण, शेवटी...

22 जिल्ह्यांमध्ये नियुक्त्या 

या भरतीमध्ये सहभागी होण्यासाठी सर्व प्रवर्गातील उमेदवारांना 750 रुपये अर्जाचं शुल्क भरावं लागेल. उमेदवार डेबिट कार्ड, क्रेडिट कार्ड, नेट बँकिंग इत्यादी ऑनलाइन माध्यमातून हे शुल्क भरू शकतात. संबंधित शुल्क भरल्यानंतरच, अर्जाची प्रक्रिया पूर्ण मानली जाईल. या भरतीसाठी देशभरातील 22 जिल्ह्यांमध्ये ग्रामीण डाक सेवकांची नियुक्ती केली जाणार आहे. या भरतीसंदर्भात अधिक माहिती मिळवण्यासाठी उमेदवार अधिकृत नोटिफिकेशन तपासू शकतात.