'या' रिसेप्शनिस्टच्या बँक खात्यात अचानक आले 3 कोटी 43 लाख, आधी सगळी मजा केली आणि आता खेला होबो...

डेली मेलच्या एका रिपोर्टनुसार, येसिका अरुआ नावाची ही महिला फ्लोरिडात घोड्यांच्या एका क्लिनीकमध्ये रिसेप्शनिस्ट म्हणून काम करायची. येसिका तिच्या पहिल्या महिन्याच्या पगाराची वाट पाहत होती. पण जेव्हा तिच्या मोबाईलवर सॅलरीचा मेसेज आला, तेव्हा तिला धक्काच बसला. तिच्या खात्यात सॅलरीपेक्षा जास्त रक्कम जमा झाली होती.

हे ही वाचा >>महाराष्ट्रातील जनतेला डिवचणारे भाजपचे दुबे आहेत तरी कोण? दुबेंचं ते विधान जसंच्या तसं...

येसिकाच्या खात्यात जमा झालेल्या पैशांचं नंतर काय झालं?

येसिकाने तिला मिळालेल्या पैशांबाबत कोणालाही सांगितलं नाही. प्रत्येक महिन्यात तिच्या खात्यात सॅलरीपेक्षा जास्त पैशे जमा होत होते. ती या पैशातून मौजमजा करायची. फेब्रुवारी 2022 ते जानेवारी 2023 पर्यंत तिच्या खात्यात 3 कोटी 43 लाख,80 हजार रुपये (400,000 डॉलर) जमा झाले. वर्ष 2023 च्या सुरुवातीलाच कंपनीच्या डायरेक्टरला याबाबत कळलं. अरुआच्या खात्यात जी रक्कम जमा होत होती, तो क्लिनीकच्या डॉक्टरचा पगार होता.

डॉक्टरचा पगार चुकून अरुआच्या खात्यात जमा होत होता. डॉक्टरने एक वर्ष त्यांचा सॅलरी अकाऊंट चेक केला नाही. जेव्हा त्यांचे क्रेडिट कार्ड्स कॅन्सल झाले, तेव्हा त्यांना याबाबत कळलं. त्यानंतर त्यांनी पोलिसांना या प्रकाराबाबत सांगितलं. पोलिसांनी आरुआकडे चौकशी केली, तेव्हा तिने खात्यात जास्त पैसे येत असल्याचं कबूल केलं. हे रिसेप्शनिस्टच्या कामाचं बोनस आहे, असं तिला वाटलं होतं.

हे ही वाचा >>Nagpur: पत्नीला लागलेली अनैतिक संबंधांची चटक, लकवा मारलेला पती आड यायचा म्हणून थेट...

डॉक्टरने अरुआला याबाबत विचारलं, तेव्हा ती रडू लागली. तिने तिच्या गुन्ह्याची कबुली दिली. त्यानंतर डॉक्टरला 1 कोटी 66 लाख रूपये चेकच्या माध्यमातून परत दिले. तिने म्हटलं की, बाकी पैसे ती परत देऊ शकत नाही. कारण तिच्या आईने 83 लाख रुपये अर्जेंटिनामध्ये कुटुंबियांना पाठवलं होतं. अरुआवर क्लिनीकची मोठी चोरी आणि मनी लॉण्ड्रिंगचा आरोप करण्यात आला आहे.