मुंबई आणि पुणेकरांनो आता फक्त वाट पाहा.. तुफान पावसामुळे किती ट्रेन थेट रद्द?

रेल्वे प्रशासनाने सुरक्षिततेच्या कारणास्तव 6 जुलै 2026 रोजी मुंबई-पुणे आणि मुंबई-धुळे मार्गावरील काही महत्त्वाच्या एक्स्प्रेस गाड्या रद्द करण्याचा निर्णय घेतला आहे. त्यामुळे प्रवाशांना प्रवासापूर्वी रेल्वेच्या अधिकृत माहितीकडे लक्ष देण्याचे आवाहन करण्यात आले आहे.

रुळांवर दगड आणि मातीचा साठा

सततच्या मुसळधार पावसामुळे घाट विभागात दरडी कोसळण्याच्या घटना वाढल्या आहेत. ठाकूरवाडी–मंकी हिल (TKW–MHLC) या विभागात रेल्वे रुळांवर दगड आणि माती वाहून आल्याने रेल्वे वाहतुकीस धोका निर्माण झाला. त्यामुळे संबंधित मार्गावरील वाहतूक तात्पुरती थांबवून रेल्वे कर्मचारी आणि अभियंते युद्धपातळीवर साफसफाई आणि दुरुस्तीचे काम करत आहेत.

या 6 गाड्या रद्द

मध्य रेल्वेने 6 जुलै रोजी खालील गाड्या रद्द केल्या आहेत.

1. 22105 – CSMT–पुणे इंद्रायणी एक्स्प्रेस
2. 12127 – CSMT–पुणे इंटरसिटी एक्स्प्रेस
3. 11007 – CSMT–पुणे डेक्कन एक्स्प्रेस
4. 12123 – CSMT–पुणे डेक्कन क्वीन
5. 12125 – CSMT–पुणे प्रगती एक्स्प्रेस
6. 11011 – CSMT–धुळे धुळे एक्स्प्रेस

हे ही वाचा>> Maharashtra Weather : पुढील काही तास धोक्याचे, कुठं रेड तर कुठं ऑरेंज अलर्टचा अंदाज

प्रवाशांना रेल्वेचे आवाहन

रेल्वे प्रशासनाने प्रवाशांना विनंती केली आहे की, प्रवासासाठी घराबाहेर पडण्यापूर्वी आपल्या गाडीची सद्यस्थिती अधिकृत रेल्वे संकेतस्थळ, NTES अॅप किंवा रेल्वे हेल्पलाइनवर तपासावी. हवामान सामान्य झाल्यानंतर आणि रुळांवरील अडथळे दूर झाल्यानंतरच वाहतूक पूर्ववत केली जाईल.

हे ही वाचा>> पुणे–मुंबई जाणार आहात? आधी ही बातमी वाचा; एक्स्प्रेसवे, जुना महामार्ग बंद.. मुसळधार पावसाचा कहर

महत्त्वाचे मुद्दे

• खंडाळा–मंकी हिल–ठाकूरवाडी दरम्यान रुळांवर दगड आणि माती वाहून आली.
• सुरक्षिततेच्या कारणास्तव रेल्वे वाहतूक तात्पुरती बंद.
• 6 जुलै रोजी मुंबई–पुणे मार्गावरील पाच महत्त्वाच्या एक्स्प्रेस गाड्या रद्द.
• मुंबई–धुळे धुळे एक्स्प्रेसही रद्द.
• रेल्वे प्रशासनाकडून प्रवाशांना प्रवासापूर्वी गाडीची स्थिती तपासण्याचे आवाहन.
• रेल्वे कर्मचारी युद्धपातळीवर मार्ग पूर्ववत करण्याचे काम करत आहेत.