आता मुलंही सुरक्षित नाहीत, वाशिममध्ये शिक्षकाचे वरच्या मजल्यावर नेत विद्यार्थ्यासोबत अश्लील चाळे

स्थानिक भागातील 11 वर्षीय विद्यार्थी नियमितपणे एका खाजगी शिकवणी वर्गाला जात होता. नेहमीप्रमाणे तो त्या दिवशी दुपारी क्लासला हजर झाला असता, आरोपी शिक्षक प्रवीण रामेश्वर व्यवहारे यांनी त्याला वरच्या मजल्यावर बोलावून नेल्याची माहिती पोलिसांनी दिली. पुढे, तेथे शिक्षकाने मुलाशी अशोभनीय वर्तन केल्याचे उघड झाले आहे. अचानक झालेल्या या प्रसंगामुळे मुलगा घाबरून गेला. घरी परतल्यावर त्याने धैर्य एकवटत आईला संपूर्ण प्रकार सांगितला.

हेही वाचा : मासिक पाळी आल्याने आईने मुलीला दोन वर्षे अंधाऱ्या खोलीत कोंडून ठेवलं, धक्कादायक प्रकाराने पोलिसही हादरले

मुलाने सांगितलेल्या घटनेनंतर पालकांनी तात्काळ कारंजा शहर पोलीस ठाण्यात धाव घेतली. विद्यार्थ्याच्या आई-वडिलांनी दिलेल्या तक्रारीवरून पोलिसांनी प्राथमिक चौकशी केली आणि आरोपी शिक्षकाविरुद्ध गंभीर गुन्हे नोंदविण्याची कारवाई तातडीने सुरू केली. संबंधित शिक्षकावर पोस्को कायद्याचे कलम, अॅट्रॉसिटी कायद्याचे कलम तसेच विनयभंगाच्या गुन्ह्यांतर्गत गुन्हा दाखल करण्यात आलाय. प्रकरण समोर आल्यानंतर ट्युशन क्लास परिसरात तसेच संपूर्ण शहरात तीव्र संताप व्यक्त होत आहे. अल्पवयीन विद्यार्थ्यांच्या सुरक्षेचा प्रश्न पुन्हा चर्चेत आला आहे. शिक्षणाच्या नावाखाली पालक आपल्या मुलांना सुरक्षित वातावरण देण्यासाठी ट्युशन क्लासमध्ये पाठवतात; मात्र अशा घटना घडल्याने पालकांच्या मनात भीती निर्माण होत असल्याचेही दिसून येत आहे.

दरम्यान, पोलिसांनी आरोपी शिक्षकाचा शोध घेण्यासाठी पथक तयार केले असून पुढील तपास सुरू आहे. मुलाचे वैद्यकीय परीक्षण तसेच आवश्यक पंचनामा करण्याची प्रक्रिया पोलिसांनी पूर्ण केल्याची माहिती मिळते. तक्रारीचा तपशील आणि प्राथमिक पुराव्यांच्या आधारे आरोपीविरुद्ध कठोर गुन्हे दाखल करण्यात आले असून प्रकरणाची सखोल चौकशी सुरू असल्याचे शहर पोलिसांनी सांगितले.

ही घटना उघड झाल्यानंतर परिसरात बालकांच्या सुरक्षिततेबाबतचे प्रश्न पुन्हा ऐरणीवर आले आहेत. ट्युशन क्लास, शाळा, प्रशिक्षण केंद्रे याठिकाणी मुलांचे संरक्षण सुनिश्चित करण्यासाठी अधिक बारीक लक्ष ठेवण्याची गरज असल्याचे स्थानिक नागरिकांचे मत आहे.

इतर महत्त्वाच्या बातम्या 

कोल्हापूर : निवडणूक लढायचीये माहेरी जाऊन 10 लाख आण, सासऱ्याची मागणी; सूनेची गळफास घेऊन आत्महत्या