16 वर्षीय तरुणीला कॅबमध्ये बसवून हॉटेलमध्ये नेलं! पण, कॅब चालकाला आरोपीवर संशय आला अन् थेट...

इंस्टाग्रामवर तरुणाशी ओळख झाली अन्...

दोन महिन्यांपूर्वी पीडित तरणीची इंस्टाग्रामवर एका साबिर नावाच्या तरुणाशी ओळख झाली. त्यानंतर, दोघांमध्ये सतत बोलणं होऊ लागलं आणि कालांतराने त्यांच्यात मैत्री झाली. त्यावेळी, साबिरने पीडितेला तो एका मोठ्या कंपनीत कार्यरत असल्याचं सांगितलं. काही दिवसांनंतर, 1 नोव्हेंबर रोजी आरोपीने तिला वजीदाबाद येथील आपल्या मित्राच्या फ्लॅटवर बोलवलं.

हे ही वाचा: मुंबईची खबर: आता ‘या’ मार्गावरील प्रवास अधिक सोयीस्कर… नव्या फ्लायओव्हरमुळे वाहतूक कोंडीपासून प्रवाशांना दिलासा

अश्लील फोटो आणि व्हिडीओ ब्लॅकमेल करण्याची धमकी

मित्राच्या घरी गेल्यानंतर, आरोपीने पीडितेला जावे मारण्याची धमकी देत तिच्यासोबत घृणास्पद कृत्य केलं. इतकेच नव्हे तर, आरोपी साबिरने त्याच्या मोबाईलमध्ये तरुणीचे अश्लील फोटो आणि व्हिडीओ सुद्धा काढले. ते अश्लील व्हिडीओ आणि फोटो सोशल मीडियावर व्हायरल करण्याची धमकी देत आरोपीने तरुणीला ब्लॅकमेल करण्यास सुरूवात केली. त्याने पुन्हा त्या तरुणीला काश्मीरी गेट परिसरात पुन्हा भेटण्यासाठी बोलवलं.

हे ही वाचा: लिव्ह-इन-पार्टनरसोबत मैत्री करून देण्यासाठी बॉसचा दबाव! दोघांनी मिळून हत्येचा रचला कट अन् अखेर...

कॅब चालकाला संशय आला अन्...

त्यावेळी, आरोपी तरुणीला कॅबमध्ये बसवून कमला नगर येथील एका हॉटेलमध्ये घेऊन गेला. यादरम्यान, कॅब चालकाला तरुणावर संशय आला. त्यानंतर, त्या चालकाने दोघांना हॉटेलजवळ सोडलं आणि थेट पोलीस स्टेशनमध्ये गेला. त्याने पोलिसांना सगळ्या घटनेबाबत माहिती दिली. त्यानंतर, पोलीस तातडीने हॉटेलमध्ये पोहोचले आणि आरोपीला ताब्यात घेण्यात आलं. पोलिसांनी आरोपीच्या तावडीतून पीडितेची सुटका केली आणि तिच्या कुटुंबियांना याबद्दल माहिती दिली.