5 वर्षे अफेअर अन् लग्नानंतर शिक्षण देऊन पत्नीला बनवलं उपनिरीक्षक पण, शेवटी तिने...

सासरच्या लोकांना भरपूर हुंडा दिल्याचा आरोप 

हापुडच्या गणेशपुरा येथील रहिवासी असलेल्या आणि बरेली जिल्ह्यात कार्यरत असलेल्या महिला उपनिरीक्षक पायल रानी हिने 13 नोव्हेंबर 2025 रोजी हापुडच्या पोलीस अधीक्षकांकडे तक्रार दाखल करत पोलीस ठाण्यात गुन्हा दाखल केला. पायल रानीने केलेल्या आरोपानुसार तिचे लग्न 2 डिसेंबर 2022 रोजी पिलखुवा पोलीस स्टेशन परिसरातील पूठा हुसेनपूर गावातील रहिवासी असलेल्या गुलशन नावाच्या तरुणाशी झालं होतं. लग्नाच्या वेळी तिच्या कुटुंबियांनी भरपूर सासरच्या मंडळींना भरपूर हुंडा दिला होता, परंतु तिच्या सासरच्या लोकांनी समाधानी नव्हते. 

हे ही वाचा: मुंबईची खबर : हायकोर्टाने आदेश देऊनही वांद्रे स्कायवॉक बंद... काम सुद्धा पूर्ण, मग नेमकं कारण काय?

हुंड्यासाठी सासरी शारीरिक आणि मानसिक छळ 

लग्नानंतर, महिलेचा पती गुलशन, तिचे सासू-सासरे आणि कुटुंबातील इतर सदस्यांनी आणखी हुंड्याची मागणी करण्यास सुरूवात केल्याचा पायलने आरोप केला. संबंधित महिलेने पोलिसात तक्रार करताना सांगितलं की, तिच्या सासरच्या लोक तिच्याकडे 10 लाख रुपये रोख आणि एका कारची मागणी करत होता. मात्र, ही मागणी पूर्ण न झाल्यामुळे तिचा सासरी छळ होण्यास सुरूवात झाली. इतकेच नव्हे तर, सासरच्या मंडळींनी तिला मानसिक आणि शारीरिक त्रास दिला. तसेच, तिला निर्दयीपणे मारहाण केली. एवढंच नाही तर, तिच्यावर अॅसिड फेकून तिला जीवे मारण्याची देखील धमकी दिली. याच कारणामुळे, पायलला तिच्या जीवाला धोका जाणवू लागला. 

पोलीस अधीक्षक कुंवर ज्ञानंजय सिंह यांच्या आदेशानुसार, पोलीस स्टेशनमध्ये पायल रानीच्या तक्रारीवरुन पती गुलशनसह महिलेच्या सासरच्या सहा जणांविरोधात हुंड्यासाठी छळ, मारहाण, धमकी आणि इतर कलमांखाली गुन्हा नोंदवला. 

हे ही वाचा: बाथरूममध्ये भयानक अवस्थेत आढळला महिलेचा मृतदेह! धक्कादायक दृश्य अन्... नेमकं प्रकरण काय?

पतीने काय सांगितलं? 

तसेच, पती गुलशन याने तक्रारीत म्हटलं की, मी आणि पायल 2016 पासून प्रेमसंबंधात होतो आणि आम्ही एकत्रच शिक्षण घेत होतो. त्यानंतर, आम्ही दोघांनी 2021 मध्ये कोर्ट मॅरेज केलं होतं आणि कुटुंबियांना विश्वासात घेऊन कुठलाही हुंडा न घेता हिंदू पद्धतीने 2022 मध्ये आमचं लग्न झालं. त्यानंतरच, पायल माझ्यासोबत घरी रहायला आली आणि मी पायलला शिकवून इंस्पेक्टर बनवलं. मेहनतीने कमावलेल्या पैशाने मी तिला शिकवलं. तिच्या शिक्षणाला मी पाठिंबा दिल्यामुळे तिला नोकरी लागली. पण आता पायल रानीने माझ्यावर आणि माझ्या कुटुंबियांवर खोटा आरोप करुन गुन्हा दाखल केला. गुलशनने हापुडाचे एसपी कुंवर ज्ञानंजय सिंह यांची भेट घेऊन निष्पक्ष चौकशीची मागणी केली आहे. आता, चौकशी आणि तपासानंतरच सत्य उघडकीस येणार असल्याचं सांगितलं जात आहे.