मुलगी कोचिंग क्लासवरुन घरी परतली, आई रक्ताच्या थारोळ्यात.., 45 पार वय असताना आईने नको ते केलं

चारित्र्याचा संशय आणि कुऱ्हाडीने केलेला जीवघेणा हल्ला

पोलीस तपासात समोर आलेल्या प्राथमिक माहितीनुसार, मुबिन आणि सरफिया यांच्यात गेल्या काही काळापासून सतत खटके उडत होते. मुबिनला आपल्या पत्नीच्या चारित्र्यावर संशय होता, ज्यावरून घरात नेहमीच अशांतता असायची. घटनेच्या दिवशी हा वाद विकोपाला गेला आणि रागाच्या भरात मुबिनने घरात असलेली कुऱ्हाड उचलून पत्नीवर प्राणघातक हल्ला केला. मुलीने जेव्हा घराचे दृश्य पाहिले तेव्हा तिने आरडाओरडा केला, ज्यामुळे आसपासचे लोक गोळा झाले, परंतु तोपर्यंत मुबिन तिथून पसार झाला होता. बांदा पोलिसांनी तात्काळ घटनास्थळी धाव घेत मृतदेह ताब्यात घेतला आणि संशयित आरोपी पतीविरुद्ध हत्येचा गुन्हा दाखल करून त्याचा शोध सुरू केला. मुबिनचा माग काढण्यासाठी पोलिसांनी विविध पथके तैनात केली होती, मात्र सुरुवातीला तो पोलिसांच्या हाती लागला नाही.

फरार पतीचा शेवट; जंगलात झाडाला लटकलेल्या अवस्थेत आढळला मृतदेह

हत्याकांडाला अंजाम दिल्यानंतर मुबिन शेख फरार झाला होता, मात्र सोमवारी या प्रकरणात एक नवीन आणि धक्कादायक वळण आले. पोलिसांना मुबिनचे लोकेशन गौरीखानपुर गावातील शिवारात मिळाले. जेव्हा पोलीस पथक तिथे पोहोचले, तेव्हा मुबिनचा मृतदेह एका झाडाला फंद्यावर लटकलेल्या अवस्थेत आढळून आला. पत्नीची हत्या केल्यानंतर निर्माण झालेला मानसिक दबाव किंवा पोलिसांच्या भीतीपोटी त्याने हे टोकाचे पाऊल उचलल्याचा प्राथमिक अंदाज पोलिसांनी वर्तवला आहे. घटनेची माहिती मिळताच वरिष्ठ पोलीस अधिकारी आपल्या पथकासह घटनास्थळी दाखल झाले आणि त्यांनी परिसराची बारकाईने पाहणी केली. आरोपीने आत्महत्या केल्याचे स्पष्ट झाल्यानंतर पोलिसांनी त्याचा मृतदेह खाली उतरवून पुढील प्रक्रियेसाठी जिल्हा रुग्णालयात पाठवला आहे.

बबेरू पोलिसांनी या प्रकरणाची अधिकृत माहिती देताना सांगितले की, मुबिन शेख याच्यावर आधीच हत्येचा गुन्हा दाखल करण्यात आला होता आणि पोलीस त्याचा सक्रियपणे शोध घेत होते. आता आरोपीने स्वतःचे आयुष्य संपवल्यामुळे या प्रकरणातील गुन्हेगाराचा शोध संपला असला तरी कायदेशीर प्रक्रिया पूर्ण केली जात आहे. पोलिसांनी दोन्ही मृतदेहांचा रीतसर पंचनामा केला असून त्यांचे शवविच्छेदन करण्यात आले आहे. पुराव्यांच्या आधारे आणि शवविच्छेदन अहवालानुसार पोलीस पुढील वैधानिक कारवाई करत आहेत. संशयापायी एका सुखी संसाराचा झालेला हा करुण अंत सध्या बांदा जिल्ह्यात चर्चेचा विषय ठरला असून, एका मुलीने आपल्या आई-वडिलांना अशा प्रकारे गमावल्याने परिसरात मोठी हळहळ व्यक्त केली जात आहे.

इतर महत्त्वाच्या बातम्या 

Maharashtra Weather : राज्यावर पुन्हा अवकाळी पावसाचं सावट, 24 जिल्ह्यांचं खरं नाही, महत्त्वाचा अलर्ट