लॅबमध्ये बोलावून विनयभंग

घटनेच्या दिवशी पीडितेने वरिष्ठ या नात्याने आरोपी प्रवीन कुमारला कपाटांमधील त्रुटींबाबत माहिती दिली. त्यानंतर आरोपीने तिला लॅबमध्ये येऊन प्रत्यक्ष दाखवण्यास सांगितले. पीडिता लॅबमध्ये पोहोचली असता, आरोपीने प्रथम तिच्यावर अश्लील टिप्पणी केली आणि त्यानंतर तिच्या जवळ येण्याचा प्रयत्न केला. जेव्हा पीडितेने या कृत्याचा प्रतिकार केला, तेव्हा आरोपीने बळजबरीने तिचा हात धरून तिचा विनयभंग केला. या अनपेक्षित प्रकारामुळे महिला शिक्षिका पूर्णपणे हादरून गेली होती.

हे ही वाचा : तरुणीसोबत वृद्ध नेत्याचा आक्षेपार्ह व्हिडीओ व्हायरल झाल्याने खळबळ, काँग्रेस-भाजपमध्ये चांगलीच जुंपली

शिक्षकाने दिली धमकी

पीडितेने आरोप केला आहे की, गैरवर्तन केल्यानंतर आरोपीने तिला धमकावले की, जर तिने या घटनेबद्दल कोणालाही सांगितले तर तिला गंभीर परिणाम भोगावे लागतील. मात्र, आरोपीच्या तावडीतून कशीबशी सुटका करून घेतल्यानंतर तिने हिंमत एकवटली आणि शाळेतील इतर महिला कर्मचारी तसेच आपल्या कुटुंबाला या घटनेची सविस्तर माहिती दिली. घटनेचे गांभीर्य ओळखून पीडितेचे पती आणि सासरे तत्काळ शाळेत पोहोचले आणि त्यानंतर पीडितेने कुटुंबासह पोलीस ठाण्यात धाव घेऊन रीतसर तक्रार नोंदवली.

हे ही वाचा : इंजिनिअरिंगचं शिक्षण घेत असलेली सोन्यासारखी मुलगी जीवानिशी गेली, अनुपमासोबत बॉयफ्रेंडने काय केलं?

प्रवीण कुमार फरार

पोलीस ठाण्याने पीडितेच्या जबाबावरून आरोपी शिक्षक प्रवीण कुमार याच्याविरुद्ध विनयभंग आणि धमकावल्याप्रकरणी गुन्हा दाखल केला आहे. पोलिसांनी या प्रकरणाचा तपास वेगाने सुरू केला असून आरोपी सध्या फरार असल्याचे समजते. पोलीस पथके ठिकठिकाणी छापेमारी करत असून आरोपीला लवकरच अटक करण्यात येईल, असे आश्वासन प्रशासनाकडून देण्यात आले आहे. या घटनेमुळे शैक्षणिक क्षेत्रात संताप व्यक्त केला जात असून महिला सुरक्षेचा प्रश्न पुन्हा एकदा ऐरणीवर आला आहे.