बायकोचे अनैतिक संबंध

या दुर्दैवी घटनेमागे पती-पत्नीमधील कौटुंबिक विवाद आणि मुलींच्या ताब्यावरून सुरू असलेला वाद मुख्य कारण असल्याचा संशय पोलीस व्यक्त करत आहेत. घटनेच्या ठिकाणी पोलिसांना एक चिठ्ठी सापडली असून, त्यात इम्रानने आपल्या पत्नीवर अनैतिक संबंधांचे गंभीर आरोप केले आहेत. तसेच, पत्नीसोबत घटस्फोट झाल्यास किंवा वेगळे झाल्यावर मुलींचा ताबा तिला मिळेल आणि ती मुलींना आपल्यापासून दूर नेईल, अशी भीती त्याने या चिठ्ठीत व्यक्त केली होती. सोमवारी दुपारीच त्याच्या पत्नीने त्याला मेसेज करून मुलींचा ताबा आपल्याकडे देण्याची मागणी केली होती, कारण इम्रान मुलींची योग्य काळजी घेऊ शकत नाही असा तिचा दावा होता.

हे ही वाचा : राहुल गांधींनी बोलावलं.. थेट मिठी मारली आणि नंतर.. सगळे हसत राहिले..

घटस्फोटाची पडताळणी

पोलीस सध्या या प्रकरणाचा सर्व बाजूंनी सखोल तपास करत आहेत. दांपत्याचा कायदेशीर घटस्फोट झाला होता की न्यायालयीन प्रक्रिया प्रलंबित होती, याची पडताळणी केली जात आहे. इम्रानने आपल्या पत्नीवर केलेले आरोप किती सत्य आहेत, याचाही शोध घेतला जात असून पोलीस अधिकाऱ्यांनी पत्नीची चौकशी सुरू केली आहे. याशिवाय, हॉटेलमधील घटनाक्रम आणि घडामोडी स्पष्ट करण्यासाठी पोलीस प्रशासनाने हॉटेलचे सीसीटीव्ही फुटेज ताब्यात घेतले असून त्यानुसार पुढील तपास केला जात आहे.

हे ही वाचा : सकाळी लग्न अन् संध्याकाळी मृत्यू, 19 वर्षीय तरुणीसोबत काय घडलं?

बरा झाल्यानंतर जबाब

दोन्ही मृत मुलींच्या मृतदेहांचे शवविच्छेदन पूर्ण झाले असून त्याचा सविस्तर अहवाल आल्यानंतर पोलीस पुढील कायदेशीर कारवाई करणार आहेत. नागवारा, उत्तर बंगळुरू येथील रहिवासी असलेला इम्रान सध्या वैद्यकीय देखरेखीखाली आहे. डॉक्टरांनी त्याला बोलण्यासाठी पूर्णपणे fit म्हणजेच सक्षम घोषित केल्यानंतर, पोलीस त्याचा अधिकृत जबाब नोंदवतील आणि या हत्याकांडात आणखी काय तथ्ये दडली आहेत याचा पर्दाफाश करतील.