दिराचा वहिनीसोबत झाला वाद! पण, पुतण्या अन् पुतणीवर राग निघाला अन्... रागाच्या भरात दिराचं भयंकर कृत्य

दारू पिऊन वहिनीला शिवीगाळ केली अन्...  

मंडावली पोलीस ठाण्याच्या हद्दीत असलेल्या राजपूर नवादा गावात ही धक्कादायक घटना घडली. गावातील रहिवासी असलेला जयपाल सिंह हा सार्वजनिक बांधकाम विभागात कर्मचारी असून त्याची दोन मुले अरुण आणि हिमांशू त्याच्यासोबत राहतात. हिमांशूला दारूचं व्यसन असून तो दारू पिऊन सतत घरातील सदस्यांसोबत वाद घालत असतो. घटनेच्या दिवशी, हिमांशू दारू पिऊन घरी परतला आणि नेहमीप्रमाणे त्याने त्याचा भाऊ अरुण आणि वहिनी मंजू यांना शिवीगाळ करण्यास सुरुवात केली. मंजूने त्याच्या अशा वागण्याला विरोध केला.

पुतण्या आणि पुतणीवर काढला राग!  

यामुळे, हिमांशू त्याच्या वहिनीवर इतका संतापला की तो थेट घराच्या दुसऱ्या मजल्यावर गेला आणि तिथे त्याने खेळत असलेल्या त्याची तीन वर्षांची पुतणी मानवीचा धारदार शस्त्राने गळा कापला. आरोपी एवढ्यावरच थांबला नाही, त्यानंतर त्याने आपला पाच वर्षीय पुतण्या मयंकला दुमजली इमारतीवरून खाली फेकून दिलं.

हे ही वाचा: मुंबई: मालकिणीच्या घरातूनच 3 कोटींचे दागिने केले लंपास... मुंबईतील मोलकरणीचा चकित करणारा कारनामा!

आरोपीविरुद्ध गुन्हा दाखल  

यानंतर, गंभीररित्या जखमी झालेल्या मयंकला त्याची आई मंजू आणि वडील अरुण यांनी तातडीने रुग्णालयात नेलं. त्याची गंभीर प्रकृती पाहून डॉक्टरांनी त्याला दुसऱ्या रुग्णालयात रेफर रेलं. निर्घृण हल्ल्यानंतर आरोपीच्या पुतणीचा जागीच मृत्यू झाला. या घटनेनंतर, आरोपी हिमांशू घरातून फरार गेला. त्यानंतर कुटुंबियांनी त्याच्याविरुद्ध मंडावली पोलीस स्टेशनमध्ये हत्या आणि हत्येचा प्रयत्न केल्याप्रकरणी गुन्हा दाखल केला आहे. पोलिसांनी आता त्याचा शोध सुरू केला असल्याचं सांगण्यात येत आहे.

हे ही वाचा: मुंबई : फेसबुकवर मैत्री, नंतर महिलेचा whatsapp वर अर्धनग्न होऊन व्हिडीओ कॉल, अन् व्हायरलची धमकी देत लुटलं

गावकऱ्यांच्या म्हणण्यानुसार, आरोपीला त्याचे वडील त्यांची जमीन मोठ्या भावाच्या म्हणजेच अरुणच्या नावावर करतील असं वाटत होतं. म्हणूनच, तो गेल्या काही महिन्यांपासून घराची जमीन आपल्या नावावर करण्याचा हट्ट करत होता आणि दारू पिऊन सतत घरातील लोकांना शिवीगाळ करायचा.