दीर आणि वहिनीचं अफेअर! दोन वर्षांच्या चिमुकल्या पुतणीलाच बसवलं जळत्या चुलीवर अन्...

नेमकी घटना काय?

ही घटना बिलासपूर जिल्ह्यातील कोनी पोलीस ठाण्याच्या हद्दीतील घुटकू गावात घडली. पोलिसांच्या माहितीनुसार, आरोपी नितीन कुमार लोनिया याचे त्याची भावजय अंकिता हिच्यासोबत प्रेमसंबंध असल्याची माहिती समोर आली आहे. अंकिता ही पती सुधीर आणि दोन वर्षांची मुलगी परमेश्वरी यांच्यासोबत राहत होती. २६ ऑगस्ट रोजी अंकिता आपल्या मुलीला घेऊन नितीनसोबत घरातून निघून गेली होती. बराच शोध घेऊनही तिघांचा ठावठिकाणा न लागल्याने मुलीच्या आजोबांनी कोनी पोलीस ठाण्यात तक्रार दाखल केली. पोलिसांनी तपास सुरू केल्यानंतर नितीन, अंकिता आणि चिमुरडीबाबत माहिती समोर आली.

हे ही वाचा>> वाशिम: ‘...भाजी बनवता येत नाही', मद्यधुंद अवस्थेत भावावर लोखंडी रॉडने प्रहार

घरी परतल्यानंतर पुन्हा वाद

7 सप्टेंबर रोजी नितीन, अंकिता आणि परमेश्वरी घुटकू गावात परतले. त्यानंतर कुटुंबातील वाद पुन्हा सुरू झाल्याची माहिती आहे. मंगळवारी नितीनचा त्याचा मोठा भाऊ सुधीर याच्यासोबत वाद झाला. काही वेळानंतर नितीन आणि त्याची भावजय अंकिता यांच्यातही वाद झाल्याचे सांगण्यात आले आहे.

चिमुरडीला जळत्या चुलीवर बसवल्याचा आरोप

कोनी पोलीस ठाण्याचे प्रभारी जितेंद्र गुप्ता यांनी दिलेल्या माहितीनुसार, मारहाणीची माहिती मिळाल्यानंतर पोलीस घटनास्थळी पोहोचले होते. पोलिसांनी हस्तक्षेप करून सुरू असलेला वाद शांत केला. याचदरम्यान नितीनने आपल्या दोन वर्षांच्या भाचीला जळत्या लाकडी चुलीवर बसवल्याची माहिती पोलिसांना मिळाली. या घटनेत परमेश्वरी गंभीररीत्या भाजली.

हे ही वाचा>> डोंबिवली: मित्र-मेत्रिणींसोबत गणपतीच्या दर्शनाला गेली पत्नी, नवऱ्याने केला चाकूने हल्ला

उपचारादरम्यान परमेश्वरीचा मृत्यू

चिमुरडी गंभीररीत्या भाजल्याचे समजल्यानंतर पोलिसांनी तिला तातडीने उपचारासाठी रुग्णालयात दाखल केले. डॉक्टरांच्या देखरेखीखाली तिच्यावर उपचार सुरू होते. मात्र, तिची प्रकृती अत्यंत गंभीर होती. अखेर उशिरा रात्री उपचारादरम्यान परमेश्वरीचा मृत्यू झाला.

आरोपी चुलत्याला अटक; पोलिसांकडून तपास सुरू

या घटनेची माहिती समोर आल्यानंतर पोलिसांनी आरोपी नितीन कुमार लोनिया याला अटक केली आहे. कौटुंबिक वादाची पार्श्वभूमी, चिमुरडीला चुलीवर बसवण्यामागील परिस्थिती आणि संपूर्ण घटनाक्रमाचा पोलीस तपास करत आहेत.