जिल्हा परिषदेच्या शिक्षकाकडून विद्यार्थीनींशी अश्लील चाळे, बुलढाण्यातील धक्कादायक प्रकार

आजीने विश्वास मिळवताच उघड झाला धक्कादायक प्रकार

या संदर्भातील सविस्तर माहितीनुसार, इयत्ता 3 री मध्ये शिकणाऱ्या एका विद्यार्थिनीने अचानक शाळेत जाण्यास नकार दिल्याने हे संपूर्ण प्रकरण उजेडात आले. तिच्या आई-वडिलांनी वारंवार विचारणा करूनही ती काहीच बोलत नव्हती, परंतु तिच्या आजीने तिला विश्वासात घेऊन विचारले असता पीडितेने धक्कादायक वास्तव सांगितले. शाळेतील शिक्षक चुकीच्या ठिकाणी स्पर्श करत असून वर्गातील इतर 2 मुलींसोबतही असेच घाणेरडे कृत्य करतो, अशी माहिती तिने दिली. हे ऐकून आजीला मोठा धक्का बसला. याबद्दल कोणाला सांगितले तर जीवे मारण्याची धमकीही शिक्षकाने दिली होती. नानीने तातडीने इतर 2 मुलींच्या पालकांशी संपर्क साधला आणि चौकशी केली असता, त्यांनीही त्यांच्या मुलींसोबत हाच प्रकार घडल्याचे मान्य केले.

हेही वाचा : कल्याण: निवृत्त पोलीस अधिकाऱ्याचा धुमाकूळ, हायप्रोफाईल सोसायटीत मारहाण, शिवीगाळ अन्...

संतप्त ग्रामस्थांचा घेराव आणि आरोपी शिक्षकावर निलंबनाची कारवाई

या घटनेची माहिती गावात पसरताच ग्रामस्थ मोठ्या संख्येने शाळेत जमा झाले. डोनगाव पोलीस ठाण्याचे अधिकारी अमरनाथ नागरे यांना लोनीगवळी येथील शाळेत गर्दी जमा झाल्याचा फोन मिळताच ते आपल्या टीमसह तिथे पोहोचले. तिथे महिला अत्यंत आक्रमक झाल्या होत्या आणि नराधम शिक्षकाला खोलीबाहेर काढण्याची मागणी करत होत्या. पोलिसांनी तातडीने परिस्थिती हाताळत शिक्षकाला ताब्यात घेतले. पीडित विद्यार्थिनीच्या नातेवाईकाने दिलेल्या तक्रारीवरून पोलिसांनी विविध कलमान्वये गुन्हा नोंदवला आहे. या घटनेचे गांभीर्य लक्षात घेऊन शिक्षण विभागाने तातडीने पाऊल उचलत आरोपी शिक्षक महादेव आत्माराम मातोडे याला आज निलंबित केले आहे.

पोलीस अधिकारी अमरनाथ नागरे यांनी या प्रकरणाची अधिकृत माहिती देताना सांगितले की, लोनीगवळी येथील शाळेत ग्रामस्थ मोठ्या संख्येने जमल्याचा फोन आल्यावर आम्ही तातडीने घटनास्थळी धाव घेतली. तिथे चौकशी केली असता शिक्षकाने 3 अल्पवयीन विद्यार्थिनींशी अश्लील चाळे केल्याचे प्राथमिक तपासात समोर आले. पोलिसांनी आरोपीला तात्काळ ताब्यात घेऊन त्याच्यावर पोक्सो कायद्यांतर्गत गुन्हा दाखल केला असून पुढील कायदेशीर प्रक्रिया सुरू आहे. शाळेसारख्या पवित्र ठिकाणी घडलेल्या या प्रकारामुळे पालक वर्गात संतापाची लाट असून आरोपीला कठोर शिक्षा देण्याची मागणी केली जात आहे.

इतर महत्त्वाच्या बातम्या 

"तू काळा आहेस, माझ्या लायकीचा नाहीस...", पत्नीला सौंदर्याचा गर्व; अन् हत्येसाठी 1 लाख रुपयांची सुपारी