हे  ही वाचा : अश्लील व्हिडिओ दाखवून विद्यार्थिनींशी चाळे, गावातील महिलांनी भर चौकात शिक्षकाला चपलेने बदडले; भंडाऱ्यातील धक्कादायक प्रकार

मुलाचा वाढदिवस असल्याचे सांगून घरी बोलवले अन्

मिळालेल्या माहितीनुसार,  नोहर कुमार सूर्यवंशी (33) हा ट्रॅक्टर चालक म्हणून काम करतो. त्याची ओळख जवळच्या गावातील एका महिलेशी होती. 1 फेब्रुवारी रोजी या महिलेने मुलाचा वाढदिवस असल्याचे सांगून नोहरला आपल्या घरी निमंत्रित केले. नोहर तिथे पोहोचला तेव्हा घरात आधीच दुसरी एक महिला उपस्थित होती. आरोपी महिलेने या कटाची पूर्वतयारी केली होती. तिने नोहर आणि त्या दुसऱ्या महिलेला एका खोलीत पाठवले, जिथे त्यांच्यात शारीरिक संबंध प्रस्थापित झाले.

मोबाईलवर गुप्तपणे शुटिंग

यादरम्यान, आरोपी महिलेने खोलीत गुप्तपणे मोबाईल फोन सुरू करून ठेवला होता, ज्यामध्ये संपूर्ण घटनेचे चित्रीकरण करण्यात आले. विशेष म्हणजे, तरुणाला संशय येऊ नये म्हणून खोलीत पडदे आणि बेडवर स्वच्छ चादर अंथरून पूर्ण व्यवस्था करण्यात आली होती. संबंध प्रस्थापित झाल्यानंतर आरोपी महिलेने व्हिडिओतील एक स्क्रीनशॉट तरुणाला पाठवला आणि एक लाख रुपयांची मागणी केली. पैसे न दिल्यास हा व्हिडिओ सोशल मीडियावर व्हायरल करण्याची धमकी देण्यात आली, ज्यामुळे पीडित तरुण प्रचंड मानसिक दडपणाखाली आला होता.

हे ही वाचा : CRPF जवानाला मरेपर्यंत जन्मठेपेची शिक्षा, हॉटेल बुक करुन स्वत:च्याच अल्पवयीन मुलींवर करायचा अत्याचार, जाणून घ्या संपूर्ण प्रकरण

पोलिसांनी काय सांगितले?

पोलिसांनी सांगितले की, तरुणाच्या तक्रारीवरून या प्रकरणाचा सखोल तपास केला जात आहे. या हनी ट्रॅपमध्ये आणखी किती लोकांचा सहभाग आहे, याचा शोध पोलीस घेत आहेत. डिजिटल पुरावे आणि मोबाईल जप्त करून आरोपींवर कठोर कारवाईची तयारी सुरू आहे. दरम्यान, अशा प्रकारे कोणत्याही आमिषाला बळी पडू नका आणि संशयास्पद हालचालींची माहिती त्वरित पोलिसांना द्या, असे आवाहनही पोलिसांनी नागरिकांना केले आहे.