MMBC च्या विद्यार्थीला मित्राने गोड बोलून सोबत नेलं, ड्रिंकमधून नशेचं औषध दिलं अन् कित्येक दिवस..

हॉटेलमध्ये नशा देऊन केलेलं कृत्य

अधिकची माहिती अशी की, एमबीबीएस विद्यार्थीनी 9 सप्टेंबर रोजी  तिच्या  मित्राच्या जाळ्यात अडकली. ती मूळची हरियाणातील जींद जिल्ह्यातील असून दिल्लीतील डॉ. बाबासाहेब आंबेडकर मेडिकल कॉलेजच्या वसतीगृहात राहून शिक्षण घेत आहे. तर  20 वर्षीय आरोपी अमनप्रीत हा देखील जींद जिल्ह्यातील असून दिल्लीमध्ये स्पर्धा परीक्षेची तयारी करत होता. दोघेही एकाच परिसरातील असल्याने पीडितेने त्याच्यावर विश्वास ठेवला.

हेही वाचा : नवी मुंबई : 'तुझी शिकण्याची लायकी आहे का?' विद्यार्थिनीचा मुख्यध्यापिकेनं वर्गात केला अपमान, नैराश्यात येऊन विद्यार्थिनीचं टोकाचं पाऊल

महिनाभर ब्लॅकमेल करून अत्याचार सुरूच ठेवले

आरोपीने पार्टीच्या बहाण्याने पीडितेला आदर्श नगरमधील हॉटेल अॅपल येथे बोलावले. तेथे त्याचे दोन मित्रही उपस्थित होते. पीडिता हॉटेलमध्ये पोहोचताच आरोपी आणि त्याच्या साथीदारांनी तिच्या ड्रिंकमध्ये नशेचं औषध मिसळलं. नशेमुळे ती बेशुद्ध झाली आणि आरोपीने तिच्यावर बलात्कार केला. त्यानंतर त्याने त्या घटनेचे फोटो आणि व्हिडिओ घेतले.

या फोटो-व्हिडिओंचा वापर करून आरोपीने पीडितेला ब्लॅकमेल करण्यास सुरुवात केली. जवळपास महिनाभर त्याने हा प्रकार सुरू ठेवला. जर पीडितेने कुणाला सांगितलं किंवा तक्रार केली तर व्हिडिओ सोशल मीडियावर टाकू, अशी धमकी देत तो तिला वारंवार बोलावून शारीरिक संबंध ठेवण्यास भाग पाडत होता. भयभीत झालेली विद्यार्थीनी बऱ्याच दिवसांपर्यंत शांत राहिली. अखेर तरुणी जाचाला कंटाळून पोलीस ठाण्यात पोहोचली असून तिने आरोपींविरोधात तक्रार दाखल केली आहे. पोलिसांकडून आरोपींचा शोध सुरु आहे. 

इतर महत्त्वाच्या बातम्या 

नगराध्यक्षपदासाठी आरक्षण सोडत जाहीर, राज्यातील 16 नगरपालिका SC महिलांसाठी तर 34 नगरपालिका ओबीसी महिलांसाठी राखीव