सावधान! शेअर मार्केटच्या ग्रुपमध्ये जॉइन केलं अन् ठाण्यातील वृद्धाला 6.44 कोटी रुपयांना गंडा... पोलिसांचं नागरिकांना आवाहन

लोकांना गुंतवणूक करण्यास प्रवृत्त 

रिपोर्ट्सनुसार, व्हॉट्सअॅप ग्रुपच्या माध्यमातून पीडितांची फसवणूक करण्यात आली. या अद्विका शर्मा आणि राकेश जैन अशी आरोपींची ओळख समोर आली आहे. दोघांनी आधी पीडित वृद्धाला त्यांच्या व्हॉट्सअॅप ग्रुपमध्ये जॉइन केलं. हा ग्रुप शेअर मार्केटमध्ये हाय रिटर्न मिळवून देणाऱ्या कंपनीचा असल्याचा दावा करण्यात आला होता. या ग्रुपमध्ये दररोज शेअर मार्केटमधील भरपूर नफा दाखवणारे स्क्रीनशॉट्स, यशस्वी झालेले बनावट फोटोज आणि मॅसेजेस तसेच, लोकांना यामध्ये गुंतवणूक करण्यास प्रवृत्त करणारे मॅजेसेज ग्रुपला पाठवले जात होते.

काही दिवसांतच, पीडित वृद्धाचा विश्वास संपादन करून आरोपी त्याला बनावट ऑनलाइन ट्रेडिंग प्लॅटफॉर्मवर घेऊन गेले आणि त्याचं वेगळं अकाउंट उघडून घेतलं. त्यामध्ये वृद्धाने इन्व्हेस्ट केलेले पैसे आणि त्यावर भरपूर नफा मिळाल्याचं खात्यात पीडित व्यक्तीला खात्यात दाखवण्यात आलं. त्यामुळे, हे ट्रेडिंग खरं असून यामुळे त्याला लाभ मिळत असल्याचं वृद्धाला वाटलं. 

6.44 कोटी रुपये वेगवेगळ्या बँक खात्यांमध्ये ट्रान्सफर...

मात्र, कालांतराने आरोपी राकेश जैनने पीडित वृद्धाच्या ट्रेडिंग अकाउंटचे अॅक्सेस काढून घेतले. त्यानंतर, 24 सप्टेंबर ते 6 नोव्हेंबर दरम्यान आरोपीने पीडित व्यक्तीच्या खात्यातून टप्प्याटप्प्याने एकूण  6.44 कोटी रुपये वेगवेगळ्या बँक खात्यांमध्ये ट्रान्सफर करून घेतले. त्यानंतर, वृद्ध माणसाला त्याच्या खात्यातील ट्रान्झेक्शनमध्ये गडबड जाणवली आणि त्याचे पैसे आपल्या बँक बॅलेन्समध्ये न दिसल्याने आपली मोठी फसवणूक झाल्याची त्याला जाणीव झाली. 

हे ही वाचा: मंदिरात घेऊन गेली आणि आईने पोटच्या मुलीवरच केला कुऱ्हाडीने हल्ला! नेमकं प्रकरण काय?

पीडित वृद्धाने दाखल केली तक्रार 

अखेर, पीडित वृद्धाने लगेच ठाणे पोलिसांशी संपर्क साधला. पोलिसांनी मंगळवारी (18 नोव्हेंबर) वृद्धाची तक्रार दाखल केली. या प्रकरणासंदर्भात, BNS च्या कलम 318(4) (फसवणूक) आणि आयटी अॅक्टअंतर्गत आरोपींविरुद्ध गुन्हा दाखल केला आहे. पोलीस अधिकाऱ्यांच्या माहितीनुसार, आरोपी सध्या फरार असून सायबर टीम त्यांचं लोकेशन आणि मनी ट्रेल ट्रॅक करत आहे. फसवणूक झालेली रक्कम ट्रान्सफर करण्यात आलेल्या बऱ्याच बँक खात्यांची देखील माहिती मिळवण्यात आली आहे. 

हे ही वाचा: पकडणाऱ्यास 50 हजारांचं बक्षीस, कारनामे पाहून सिनेमा बनेल... चकवा देणाऱ्या प्रियांकाला पोलिसांनी कसं पकडलं?

पोलिसांचं आवाहन 

यासंबंधी, पोलिसांनी लोकांना आवाहन केलं आहे की त्यांनी अज्ञात व्हॉट्सअॅप ग्रुपमधील शेअर मार्केटशी संबंधित कोणत्याही गुंतवणुकीवर विश्वास ठेवू नये आणि कोणत्याही लिंकवर क्लिक करताना अत्यंत सावधगिरी बाळगावी.