मालकाचा बदला घेण्यासाठी ड्रायव्हरने मुलाचं केलं अपहरण, खोलीत नेत विटेसह चाकूने हल्ला करत संपवलं

हे ही वाचा : सातारा जिल्ह्यात शेतकऱ्यावर रानगव्याचा हल्ला, रक्तबंबाळ होईपर्यंत सोडलंच नाही, अखेर... हादरवणारा प्रकार

नेमकं काय घडलं? 

दिल्लीतीव नरेला परिसरात 3 वर्षाच्या मुलावर विट आणि चाकूने हल्ला करत हत्या करण्यात आली. मुलाचं नाव तेजस असे आहे. अधिकाऱ्याने संबंधित प्रकरणात माहिती दिली की, मंगळवारी दुपारी लहान मुलगा घराबाहेर खेळत होता. त्यानंतर खेळताना लहान मुलगा अचानकपणे घटनास्थळावरून गायब झाला. 

मुलगा घरी न परतल्याने कुटुंबियांनी आणि नागरिकांनी शोधाशोध करण्यास सुरुवात केली. त्यानंतर त्या लहान मुलाचा मृतदेह एका दुकानदाराच्या खोलीत आढळला. नीटू हा मृत मुलाच्या वडिलांच्या गाडीवर ड्रायव्हर म्हणून काम करत होता. 

या प्रकरणात पोलिसांनी माहिती दिली की, गाडी मालकाने आपल्या गाडीवर दोन ड्रायव्हर कामावर ठेवले होते. ते दोन ड्रायव्हर नीटू आणि वसीम अशी त्यांची नावे आहेत. त्या दोन ड्रायव्हर एकमेकांमध्ये भीडले. तेव्हा त्यांचे भांडण सोडवण्यासाठी गाड्यांचा मालक घटनास्थळी दाखल झाला. तेव्हा त्यांनी वाद सोडवण्याचा प्रयत्न केला आणि नीटूला तीन ते चार कानशिलात लगावल्या.  

हे ही वाचा : ऐन दिवाळीत कोल्हापूर-राधानगरी रस्त्यावर भीषण अपघात, भाऊबीजेपूर्वी भावासह बहिणीचा चिरडून मृत्यू

हच राग डोक्यात ठेवत नीटूने आपल्या मालकाच्या मुलाचे अपहरण केलं आणि त्याला एका खोलीत नेलं आणि त्या निष्पाप मुलावर विट आणि चाकूने हल्ला केला. या घटनेची माहिती पोलिसांना समजताच घटनास्थळी धाव घेतली. त्यानंतर मुलाला रुग्णालयात दाखल करण्यात आले असता, डॉक्टरांनी त्याला मृत घोषित केले. या प्रकरणात एफआरआय दाखल करण्यात आली आहे.