रात्री बेडरुममध्ये पुतणीसोबत सापडला चुलता, सकाळी दोघेही गायब.., बदनामीच्या भीतीने बापाने विष खाल्लं

मध्यरात्री चुलता पलंगाखाली लपलेला आढळला आणि पहाटे मुलगी बेपत्ता

या धक्कादायक प्रकरणाची सुरुवात शनिवारी रात्री दीड वाजेच्या सुमारास झाली. खुटार येथील रहिवासी असलेल्या या कुटुंबातील सर्वजण झोपलेले असताना अचानक मुलीच्या आईला जाग आली. तिने खोलीत प्रकाश केला असता, तिची 16 वर्षांची मुलगी पलंगावर बसलेली दिसली. काहीतरी संशयास्पद वाटल्याने आईने वडिलांना उठवले आणि खोलीची झडती घेतली. यावेळी पलंगाखाली मुलीचा सख्खा चुलता लपलेला असल्याचे पाहून पालकांच्या पायाखालची जमीनच सरकली. पकडले जाण्याच्या भीतीने आरोपीने आपल्याच भाऊ आणि वहिनीला जोराचा धक्का दिला आणि अंधाराचा फायदा घेऊन तिथून पळ काढला. या राड्यामुळे घरात गोंधळ सुरू असतानाच, पहाटे चार वाजेच्या सुमारास संधी साधून मुलगी देखील घरातून रहस्यमयी पद्धतीने बेपत्ता झाली.

हेही वाचा : नाशिकहून भावाला भेटायला परभणीत आला, पण उष्माघाताने तरुणाचा जीव गेला, हात करपले; नाका तोंडातून रक्त

बदनामीच्या भीतीने पित्याने उचलले टोकाचे पाऊल

सकाळ होताच जेव्हा पालकांनी मुलीचा शोध घेतला, तेव्हा आरोपी चुलताही आपल्या घरी नसल्याचे समोर आले. सख्या भावानेच आपल्या मुलीला पळवून नेल्याचे लक्षात येताच पीडित पित्याला मोठा धक्का बसला. समाजात होणारी बदनामी आणि रक्ताच्या नात्याने दिलेला हा घाणेरडा धोका सहन न झाल्याने त्याने विषारी पदार्थ प्राशन करून आत्महत्येचा प्रयत्न केला. त्यांची प्रकृती बिघडल्यानंतर नातेवाईकांनी त्यांना तातडीने सामुदायिक आरोग्य केंद्रात दाखल केले, परंतु प्रकृती गंभीर असल्याने डॉक्टरांनी त्यांना तातडीने जिल्हा रुग्णालयात हलवण्याचा सल्ला दिला. सध्या पीडित पित्याची मृत्यूशी झुंज सुरू असून या घटनेमुळे संपूर्ण परिसरात हळहळ व्यक्त केली जात आहे.

 पोलिसांनी मुलीला केले हस्तगत; आरोपी चुलता अद्याप फरार

घटनेची माहिती मिळताच खुटार पोलिसांनी पीडित कुटुंबाच्या तक्रारीवरून अपहरणाचा गुन्हा दाखल केला आहे. पोलिसांनी तातडीने हालचाली करत आणि सर्व्हिलन्स टीमच्या मदतीने रविवारी उशिरा संध्याकाळी अल्पवयीन मुलीला सुखरूप हस्तगत केले आहे. आता मुलीची वैद्यकीय तपासणी आणि न्यायालयात तिचा जबाब नोंदवण्याची प्रक्रिया पोलीस राबवत आहेत. या प्रकरणातील मुख्य आरोपी असलेला चुलता अद्याप फरार असून पोलीस त्याच्या शोधासाठी ठिकठिकाणी छापे टाकत आहेत. एका सख्या भावाने केलेल्या या कृत्यामुळे समाजात नात्यांच्या विश्वासार्हतेवर प्रश्नचिन्ह उपस्थित केले जात असून आरोपीला कठोर शिक्षा व्हावी, अशी मागणी जोर धरत आहे. या घटनेने उत्तर प्रदेशातील कायदा आणि सुव्यवस्थेसोबतच सामाजिक विदारकता पुन्हा एकदा समोर आली आहे.

इतर महत्त्वाच्या बातम्या

 मेट्रो स्टेशनच्या वॉशरुममधून दुर्गंधी येऊ लागली, अखेर पोलिसांनी दरवाजा उघडला, समोरील दृश्य पाहून सर्वांची झोप उडाली