मेट्रो स्टेशनच्या वॉशरुममधून दुर्गंधी येऊ लागली, अखेर पोलिसांनी दरवाजा उघडला, समोरील दृश्य पाहून सर्वांची झोप उडाली
Metro station Man found hanging in ladies washroom : दिल्लीतील इंदरलोक मेट्रो स्टेशनवरील महिला प्रसाधनगृहात एका 40 वर्षीय व्यक्तीचा मृतदेह गळफास घेतलेल्या अवस्थेत आढळून आला. दोन दिवसांपासून बेपत्ता असलेला हा व्यक्ती प्रसाधनगृहाचा केअरटेकर असल्याचा प्राथमिक संशय पोलिसांनी व्यक्त केला आहे.
ADVERTISEMENT
बातम्या हायलाइट
मेट्रो स्टेशनच्या वॉशरुममधून दुर्गंधी येऊ लागली
अखेर पोलिसांनी दरवाजा उघडला, समोरील दृश्य पाहून सर्वांची झोप उडाली
Metro station Man found hanging in ladies washroom : देशाची राजधानी असलेल्या दिल्लीतील उत्तर-पश्चिम भागातील इंदरलोक मेट्रो स्टेशनवर शनिवारी एक अत्यंत धक्कादायक घटना समोर आली आहे. येथील मेट्रो स्टेशनच्या आवारातील एका महिला प्रसाधनगृहामध्ये एका अज्ञात पुरुषाचा मृतदेह गळफास घेतलेल्या अवस्थेत आढळून आला. या घटनेची माहिती मिळताच मेट्रो परिसरात प्रवाशांमध्ये मोठी खळबळ उडाली. शनिवारी संध्याकाळी 5 :33 वाजण्याच्या सुमारास नियंत्रण कक्षाला एका व्यक्तीने फोन करून माहिती दिली की, मेट्रो स्टेशनमधील महिला प्रसाधनगृह आतून बंद असून त्यातून तीव्र दुर्गंधी येत आहे. या माहितीच्या आधारे पोलिसांनी तात्काळ घटनास्थळी धाव घेतली आणि शौचालयाची तपासणी सुरू केली.
दोन दिवसांपासून बेपत्ता असलेल्या केअरटेकरचा संशयास्पद अंत
पोलीस पथक घटनास्थळी पोहोचल्यानंतर त्यांनी प्रसाधनगृहाचा दरवाजा तोडून आत प्रवेश केला. त्यावेळी त्यांना साधारण 40 वर्ष वय असलेल्या एका पुरुषाचा मृतदेह गळफास घेतलेल्या अवस्थेत लटकलेला दिसला. प्राथमिक तपासानुसार, हा मृतदेह त्याच प्रसाधनगृहाची देखभाल करणाऱ्या केअरटेकरचा असावा असा पोलिसांचा अंदाज आहे. एका प्रत्यक्षदर्शीने पोलिसांना दिलेल्या माहितीनुसार, हा व्यक्ती मृतदेह सापडण्याच्या साधारण दोन दिवस आधी शेवटचा दिसला होता. दोन दिवसांपासून हे प्रसाधनगृह आतून बंद असल्याने आणि त्यातून दुर्गंधी पसरू लागल्याने हा प्रकार उघडकीस आला. मृतदेहाची अवस्था पाहता ही घटना किमान 24 ते 48 तासांपूर्वी घडली असावी, अशी शक्यता वर्तवण्यात येत आहे.
गुन्हे अन्वेषण पथकाकडून तपास आणि मृतदेह रुग्णालयात रवाना
घटनेचे गांभीर्य ओळखून गुन्हे अन्वेषण पथकाने तात्काळ घटनास्थळाची पाहणी केली आणि पुरावे गोळा केले. त्यानंतर पोलिसांनी मृतदेह ताब्यात घेऊन बाबू जगजीवन राम मेमोरियल रुग्णालयातील शवागारात शवविच्छेदनासाठी पाठवला आहे. मृत व्यक्तीची अधिकृत ओळख पटवण्यासाठी पोलीस आता मेट्रो अधिकाऱ्यांची मदत घेत आहेत. दोन दिवसांपासून ही व्यक्ती बेपत्ता असताना कोणाच्याही लक्षात ही बाब कशी आली नाही, या दिशेनेही तपास केला जात आहे. प्राथमिक स्तरावर ही आत्महत्येची घटना वाटत असली, तरी शवविच्छेदन अहवालानंतरच मृत्यूचे नेमके कारण स्पष्ट होईल, असे पोलिसांनी सांगितले आहे.
बीएनएसएस अंतर्गत कारवाई आणि पोलिसांचा पुढील तपास
या धक्कादायक घटनेनंतर दिल्ली पोलिसांनी 'भारतीय नागरिक सुरक्षा संहिता' (BNSS) च्या कलम 194 अंतर्गत कायदेशीर प्रक्रिया सुरू केली आहे. मेट्रो स्टेशनसारख्या गजबजलेल्या ठिकाणी महिला प्रसाधनगृहात पुरुषाचा मृतदेह सापडल्याने सुरक्षेचा प्रश्नही पुन्हा एकदा चर्चेत आला आहे. पोलीस आता मेट्रो स्टेशनवरील सीसीटीव्ही फुटेजची तपासणी करत असून, या मृत्यूमागे काही घातपात आहे की केवळ कौटुंबिक किंवा मानसिक कारणांमुळे केलेली ही आत्महत्या आहे, याचा शोध घेत आहेत. इंदरलोक मेट्रो स्टेशनवर प्रवाशांची मोठी वर्दळ असते, अशा ठिकाणी घडलेल्या या प्रकारामुळे मेट्रो प्रशासनावरही प्रश्न उपस्थित केले जात आहेत. पुढील तपास नानलपेठ पोलीस करत आहेत.
