होम
राजकीय आखाडा
निवडणूक
गुन्ह्यांची दुनिया
शहर-खबरबात
राशीभविष्य-धर्म
पैशाची बात
फोटो बाल्कनी
हवामानाचा अंदाज
टॉपिक
Crime News : शेजारच्या ट्रक ड्रायव्हरसोबत असलेल्या प्रेम संबंधात अडथळा ठरत असलेल्या पुजारी पतीची त्याच्या पत्नीनेच हत्या केल्याची धक्कादायक घटना समोर आली आहे. या प्रकरणी पोलिसांनी बुधवारी त्याची पत्नी, तिचा प्रियकर आणि इतर दोघांना अटक केली आहे. सिद्धलिंगप्पा एम. एस. असे मृत पुजाऱ्याचे नाव असून, ते 6 मार्चपासून बेपत्ता होते. 7 मार्च रोजी त्यांचा मृतदेह सापडल्यानंतर पोलिसांनी तांत्रिक पुराव्यांच्या आधारे तपास केला असता, ही हत्या त्यांच्याच पत्नीने प्रियकराच्या मदतीने घडवून आणल्याचे उघड झाले. शालिनी (32), एम. सी. हरीश (33), संतोष कुमार (29) आणि गणेश (29) अशी अटक करण्यात आलेल्या आरोपींची नावे आहेत. ही घटना कर्नाटकातील मंड्या जिल्ह्यात घडली.
ADVERTISEMENT
हेही वाचा : शेळ्या चरायला घेऊन गेलेल्या मुलीवर झुडपात सामूहिक अत्याचार, पीडित तरुणी शेतात आढळली
अधिकची माहिती अशी की, घटनेच्या दिवशी म्हणजे 6 मार्च रोजी दुपारी 3 च्या सुमारास सिद्धलिंगप्पा गणपती मंदिरात पूजेसाठी घराबाहेर पडले होते. संध्याकाळी 4 वाजता त्यांच्या कुटुंबीयांनी त्यांच्याशी संपर्क साधला असता, त्यांनी 10-15 मिनिटांत घरी पोहोचतो असे सांगितले. मात्र, रात्री उशिरापर्यंत ते न परतल्याने शोधमोहीम सुरू झाली. चिक देवरया सागर कालव्याजवळ त्यांच्या चपला, रक्ताचे डाग आणि पूजेचे साहित्य विखुरलेले आढळले, तर त्यांची दुचाकी पाण्यात बुडवलेली होती. या संशयास्पद बाबींमुळे नातेवाईकांनी तक्रार दाखल केली आणि पोलिसांनी भारतीय न्याय संहितेच्या कलम 103 (1) व 238 नुसार गुन्हा नोंदवला.
पोलिसांनी दिलेल्या माहितीनुसार, आरोपी शालिनीचे तिचे शेजारी राहणाऱ्या हरीश नावाच्या ट्रक ड्रायव्हरशी प्रेमसंबंध होते. वर्षभरापूर्वी सिद्धलिंगप्पा यांना या प्रकरणाची माहिती मिळाली होती, त्यावरून पती-पत्नीमध्ये सतत वाद होत होते. महिनाभरापूर्वी हे भांडण विकोपाला गेल्याने शालिनीने पतीचा काटा काढण्याचा निर्णय घेतला. 6 मार्च रोजी सिद्धलिंगप्पा यांचा उपवास असल्याचे आणि त्यांच्यात प्रतिकार करण्याची शक्ती कमी असल्याचे शालिनीने हरीशला कळवले. त्यानुसार, हरीश आणि त्याच्या साथीदारांनी कालव्याच्या पुलावर सिद्धलिंगप्पा यांच्या डोक्यात जड वस्तूने प्रहार करून त्यांची हत्या केली आणि पुरावा नष्ट करण्यासाठी मृतदेह व दुचाकी पाण्यात फेकून दिली.
स्वतःवरचा संशय टाळण्यासाठी हे सर्व आरोपी सिद्धलिंगप्पा यांच्या अंत्यविधीलाही उपस्थित राहिले होते. ही घटना निव्वळ अपघाती मृत्यू असल्याचे भासवण्याचा त्यांचा प्रयत्न होता. मात्र, पोलिसांनी तांत्रिक पुरावे आणि गुप्त माहितीच्या आधारे संशयितांची कसून चौकशी केली असता त्यांनी आपला गुन्हा कबूल केला. पोलिसांनी या चौघांनाही न्यायाधीशांसमोर हजर केले असून पुढील कायदेशीर प्रक्रिया सुरू आहे.
इतर महत्त्वाच्या बातम्या
ADVERTISEMENT
