केवळ 1 हजार रुपयांमध्ये पत्नीचा सौदा, विवाहित महिलेने सांगितल्या गँग रेपच्या नरक यातना, तिघांना अटक

मुंबई तक

• 08:11 AM • 10 Feb 2026

Crime News : मात्र, पप्पू आणि बालकिशन यांनी महिलेला घरी नेण्याऐवजी वाटेत असलेल्या लिप्टसच्या झाडांनी वेढलेल्या निर्जन बागेत नेले. या निर्जन ठिकाणी दोघांनीही पीडित महिलेवर एकामागोमाग सामूहिक अत्याचार केला. अमानुष कृत्यानंतर आरोपींनी तिला तिथेच असहाय्य अवस्थेत सोडून पळ काढला. या घटनेने पीडित महिला पूर्णतः हादरून गेली.

Crime News

Crime News

Google CTA
▌

बातम्या हायलाइट

point

केवळ 1 हजार रुपयांमध्ये पत्नीचा सौदा

point

विवाहित महिलेने सांगितल्या गँग रेपच्या नरक यातना, तिघांना अटक

Crime News : उत्तर प्रदेशातील बदायूं जिल्ह्यातून माणुसकीला काळीमा फासणारी धक्कादायक घटना समोर आली आहे. नात्यांची सर्व मर्यादा पायदळी तुडवत एका पतीने अवघ्या पैशांच्या लालसेपोटी आपल्या पत्नीचा सौदा केल्याचा संतापजनक प्रकार उघडकीस आला आहे. फैजगंज बेहटा पोलीस ठाण्याच्या हद्दीत घडलेल्या या घटनेमुळे संपूर्ण परिसरात खळबळ उडाली आहे.

हे वाचलं का?

या घटनेची सुरुवात 6 फेब्रुवारी रोजी झाली. पीडित महिलेने दिलेल्या माहितीनुसार, आरोपी पतीने गॅस सिलेंडर आणण्यासाठी कागदपत्र काढायचे आहेत, असे सांगून तिला घराबाहेर नेले. दोघे सुरैनी पापडी चौकाजवळ पोहोचले. यावेळी तिथे पतीचे दोन मित्र पप्पू आणि बालकिशन आधीच उपस्थित होते. याच ठिकाणी पतीने अत्यंत अमानवी कृत्य करत अवघ्या एक हजार रुपयांच्या मोबदल्यात पत्नीला आपल्या मित्रांच्या हवाली केल्याचा आरोप आहे. त्यानंतर तो काही काम आहे, असे कारण सांगून तिथून निघून गेला आणि पत्नीला मित्रांसोबत दुचाकीवरून घरी जाण्यास सांगितले.

मात्र, पप्पू आणि बालकिशन यांनी महिलेला घरी नेण्याऐवजी वाटेत असलेल्या लिप्टसच्या झाडांनी वेढलेल्या निर्जन बागेत नेले. या निर्जन ठिकाणी दोघांनीही पीडित महिलेवर एकामागोमाग सामूहिक अत्याचार केला. अमानुष कृत्यानंतर आरोपींनी तिला तिथेच असहाय्य अवस्थेत सोडून पळ काढला. या घटनेने पीडित महिला पूर्णतः हादरून गेली.

काही वेळाने कसाबसा धीर एकवटत पीडित महिला घरी पोहोचली. तिने घडलेला सर्व प्रकार आपल्या पतीला सांगितला. मात्र, पतीच्या उत्तराने तिच्या जखमांवर मीठ चोळले गेले. पश्चात्ताप किंवा पश्चात्तापाचे शब्द न उच्चारता, तो निर्लज्जपणे “मी तुझ्यावरून असाच पैसा कमावणार,” असे बोलल्याचा आरोप पीडितेने केला आहे. या धक्कादायक वास्तवामुळे ती पूर्णपणे कोलमडून गेली.

यानंतर पीडित महिलेने आपल्या नातेवाईकांना संपूर्ण प्रकाराची माहिती दिली. कुटुंबीयांच्या मदतीने ती थेट पोलीस ठाण्यात पोहोचली आणि न्यायाची मागणी केली. तिच्या तक्रारीनंतर पोलिसांनी तात्काळ कारवाई करत पतीसह पप्पू आणि बालकिशन या तिघांविरोधात सामूहिक बलात्कार व अन्य गंभीर कलमांखाली गुन्हा दाखल केला आहे.

फैजगंज बेहटा पोलीस ठाण्याचे निरीक्षक राजकुमार सिंह यांनी दिलेल्या माहितीनुसार, पीडितेच्या जबाबावरून गुन्हा नोंदवण्यात आला असून, तिघेही आरोपी सध्या फरार आहेत. त्यांचा शोध घेण्यासाठी पोलीस पथके संभाव्य ठिकाणी छापे टाकत आहेत. दरम्यान, पीडित महिलेला वैद्यकीय तपासणीसाठी पाठवण्यात आले आहे. या घटनेने पुन्हा एकदा महिलांच्या सुरक्षिततेचा आणि समाजातील विकृत मानसिकतेचा गंभीर प्रश्न ऐरणीवर आणला आहे.

इतर महत्त्वाच्या बातम्या 

विधानसभेचा बदला घेतला! 4 महिन्यांच्या बाळ सोबत घेऊन लढल्या, राम सातपुतेंच्या पत्नीनं जानकरांच्या मुलाला हरवलं