Delhi Blast: स्फोटाआधी डॉ. उमरने केलेला 'भाभीला' फोन... दोघांमधलं 'ते' बोलणं आलं समोर?

उमरच्या वहिनीने नेमकं काय सांगितलं?   

उमरची वहिनी मुजमिला अख्तर याबद्दल म्हणाली की, "सोमवारी रात्री पोलिसांच्या गाड्या आल्या. त्यांनी आधी जहूरला त्यांच्यासोबत नेलं. काही वेळानंतर, माझे पती आशिकला घेऊन गेले. त्यांचे मोबाईल सुद्धा पोलिसांनी सोबत घेऊन गेले." तसेच, ती म्हणाली "उमरने शुक्रवारी मला फोन केला होता. त्यावेळी, त्याने तो लायब्ररीमध्ये परीक्षेचा अभ्यास करत असल्याचं सांगितलं. मी त्याला म्हणाले की घरी ये, तेव्हा तीन दिवसांमध्ये येतो, असं म्हणून त्याने फोन ठेवला."

नीट-पीजी परीक्षेत राज्यातील टॉपर्समध्ये समावेश

डॉ. उमर नबी भट हा पुलवामातील कोइल गावचा रहिवासी असून त्याने श्रीनगरमधील सरकारी वैद्यकीय महाविद्यालय (जीएमसी) मधून एमबीबीएस आणि एमडी शिक्षण पूर्ण केलं. नीट-पीजी परीक्षेत राज्यातील टॉपर्समध्ये त्याचा समावेश होता. एमडी केल्यानंतर, त्याने जीएमसी अनंतनाग रुग्णालयात काम केलं आणि त्यानंतर दीड वर्षांपूर्वी तो हरियाणातील फरीदाबाद येथील अल-फलाह विद्यापीठाच्या स्कूल ऑफ मेडिकल सायन्सेस अँड रिसर्चमध्ये सहाय्यक प्राध्यापक म्हणून रुजू झाला. त्याचं श्रीनगरच्या एका महिला डॉक्टरसोबत लग्न ठरलं होतं. 

हे ही वाचा: Delhi Blast: डॉ. मुझम्मिलसोबत प्रेमसंबंध! पतीपासून घेतला घटस्फोट, डॉ. शाहीन शाहीदचं महाराष्ट्रातील कनेक्शन आलं समोर...

'व्हाइट कॉलर' नेटवर्कचा सूत्रधार असल्याचा संशय 

पोलिसांच्या माहितीनुसार, उमर 'व्हाइट कॉलर ग्रुप'मध्ये समाविष्ट होता होता. म्हणजेच ते दहशतवाद्यांना मदत करणारं सुशिक्षित तरुणांचं एक मॉड्यूल होतं. उमर हा या नेटवर्कचा सूत्रधार असल्याचा पोलिसांना संशय व्यक्त केला आहे. पोलिसांनी फरिदाबादमध्ये डॉ. मुझम्मिल अहमद गनई याला अटक केली असता त्यावेळी उमरचं नाव समोर आल्याचं तपासात उघडकीस आलं. चौकशीदरम्यान, मुझम्मिलने पोलिसांना स्फोटके आणि शस्त्रांचा मोठा साठा असलेल्या ठिकाणी नेलं. 

हे ही वाचा: मुंबईची खबर: रेल्वे प्रवाशांसाठी आनंदाची बातमी! मध्य रेल्वेवर धावणाऱ्या 15 डब्यांच्या ट्रेनची संख्या वाढणार...

तीन डॉक्टरांना अटक 

मुझम्मिलने पोलिसांना दिलेल्या माहितीच्या आधारे, पोलिसांनी आणखी एका डॉक्टर आदिल मजीद राठर याला अटक केली. आदिल हा कुलगामच्या काझीगुंड भागातील रहिवासी असून त्याने 2019 मध्ये जीएमसी श्रीनगरमधून एमबीबीएस आणि 2022 मध्ये एमडीचं शिक्षण पूर्ण केले. तो नुकतंच उत्तर प्रदेशातील सहारनपूर येथील एका खाजगी रुग्णालयात काम करत होता. पोलिसांच्या मते, मुझम्मिल आणि आदिल हे तिघेही डॉक्टर जैश-ए-मोहम्मदच्या मॉड्यूलचा भाग होते जे देशात दहशतवादी कारवायांचे नियोजन करत होते. आता या प्रकरणाचा तपास सुरू असल्याची माहिती आहे.